2 Bene Kolinto 4:10 - Baibo Busansulushi Bwa Libuku Ili

¹⁰ Lyoonse tuleenda alufu lwakwe Jesu mumibili yesu, kwaamba ayi abwalo buumi bwakwe buboneke mumibili yesu.

2 Bene Kolinto 4:10 ပူးပေါင်းရင်းမြစ်များ

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Bene Loma 6:5

Ono na twakaba womwi anguwe mulufu lwakwe, mbweeke ubo tulaakuba womwi anguwe kwiinda mukubushikwa kwakwe kuswa kubafu.

Bene Loma 6:8

Ono na twakafwa aKlistu, tulashoma kwaamba ayi tulaakuba abuumi pantu pomwi anguwe.

Bene Loma 8:36

Kweelana ambokulembetwe muMalembo akwe Lesa ayi, “Lyoonse bantu balapinga kutucaya ceebo ca ndimwe alimwi bantu balatucita anga nimbelele nshebatooya mukucaya.”

2 Bene Kolinto 1:5

Mukwiinga bweenka bwakapenga Klistu, aswebo tulapenga. Ono bweenka Lesa mbwaakacafwa Klistu, aswebo ulatucafwa kwiinda muli nguwe.

2 Bene Kolinto 1:9

Ncakwiila mumyoyo yesu lufu lwakalinga lweelela kale. Sombi ici cakacitika kwaamba ayi tutalishoomi sobeene, sombi Lesa eenkabo uyo ubusha bantu kuswa kubafu.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

2 Bene Kolinto 4:11

Mubuumi bwesu boonse tulaboolelabo pakalindi ceebo cakwe Klistu, kwaamba ayi buumi bwakwe buboneke mumibili yesu ifwa.

Bene Galatiya 6:17

Cakweelaako, kutabi muntu nabi womwi ngweshi anoocimpensha, mukwiinga pamubili wangu pali mibata ibonesha ayi ndi musebenshi wakwe Jesu.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

2 Timoti 2:11

Ono ngaaya makani alushinisho, “Na twakafwa anguwe, tulaakunooli boomi anguwe.

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.