2 Bene Kolinto 3:7 - Baibo Busansulushi Bwa Libuku Ili

⁷ Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

2 Bene Kolinto 3:7 ပူးပေါင်းရင်းမြစ်များ

Matalikilo 3:21

Kuswawaawo Mwaami Lesa wakapangila Adamu amukaakwe shakufwala kuswa kushipaya sha banyama, akubafwalika.

Neyemiya 9:13

KuKalundu ka Sinayi mwakaseluka kuswa kwiculu akwaamba abantu banu. Mwakabapa milawo ibotu akwiisha kululeme.

Kulumbaisha 119:174

Nobaami baLesa, ntoolangilabo lupulusho lwanu. Ncakwiila milawo yanu ilansangalasha.

Kulumbaisha 119:97

Milawo yanu ndiisuni abuumbi! Ndayeeyabo pali njiyo lilaya mukwipila.

Kulonga 24:12

Mwaami Lesa wakaambila Mose ayi, “Kosa tanta pakalundu pano mpoombete. Ono koocili waano, ntookupa mabwe obilo apampamene, apo mpondakalemba milawo amilasho yoonse kwaamba ayi bantu bakeeye nshebeelete kucita.”

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:19

Ono Mose ndyaakashika pafwaafwi amisumba akubona mucende mwaana alimwi abantu bakalinga kushana, wakakalala abuumbi. Mpomunyaawo panshi lya kalundu, mabwe apampamene ayo ngaakalinga kucite wakaawaala panshi, akupwaika.

Kulonga 34:1

Mwaami Lesa wakaambila Mose ayi, “Besa mabwe obilo apampamene mbuli ataanshi alya, lyalo ndyeshi nembewo maswi eenka alya akalinga pamabwe ataanshi ayo ngowakapwaya.

Milimo ya Batumwi 6:15

Mpomunyaawo boonse boomboloshi bakalangilishisha Sitifini, lyalo bakabona ciwa cakwe kaciboneka anga nca munjelo.

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Bene Loma 4:15

Milawo ilalengesha Lesa kupa milandu bantu, sombi na taaku Milawo, taaku muntu weenga weesotoka.

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Bene Loma 7:10

Mpeeke Milawo yakalinga kweelete kuletela bantu buumi, nebo yakandetela lufu.

Bene Loma 7:22

Ndakondwa amoyo wangu woonse ceebo ca Milawo iswa kuli Lesa.

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

1 Bene Kolinto 13:10

Aboobo ico cimaninite caakwisa, citamaninite cilaakuloba.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 3:8

ino cilaakweela kuli pamulimo wa Mushimu Usalashi?

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

Bene Galatiya 3:21

Sa nkokwaamba ayi Milawo ilapikisha sheesho Lesa nshaakashomesha? Sobwe, napaceyuubo! Mukwiinga bantu nebakalinga kuba abuumi kwiinda mukukonkela Milawo, naakwiinga muntu woonse wakalulamikwa pameenso akwe Lesa kwiinda mukukonkela Milawo iyo.

Dutolonomi 4:13

Wakamulwiita ncemweelete kucita mukulama cipangano ncaakapanga amwebo. Mulyeelete kukonkela Milawo ili Likumi iyo njaakalemba pamabwe obilo apampamene.

Dutolonomi 4:8

Taaku mushobo umwi ucite milasho amilawo iluleme anga njeeyi njindamwiisha sunu.

Dutolonomi 5:22

“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.

Dutolonomi 9:15

“Aboobo ndakapiluluka akuseluka pakalundu, kaanjumwite mabwe obilo apampamene apo pakalinga kulembetwe cipangano. Mulilo wakalinga kubwenekete koobilima pakalundu.

Bene Ebulu 12:18

Mwebo tamuna kushika, mbuli bwakashika bene Isilaeli, kucintu nceenga bakumya mbuli kuKalundu ka Sinayi uko kwakalinga kunyaka mulilo, munshinshe unene, cipuupu,

Bene Ebulu 3:3

Muntu wayaka ŋanda ulapekwa bulemu kwiinda ŋanda iine. Paceebo ceeco, Jesu ulalemekwa kwiinda Mose.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.