2 Bene Kolinto 3:6 - Baibo Busansulushi Bwa Libuku Ili

⁶ Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 3:6 ပူးပေါင်းရင်းမြစ်များ

Jelemiya 31:31

Mwaami Lesa waamba ayi, “Inshiku shilaakwisa, ndyeshi nkapange cipangano cipya abene Isilaeli alimwi abene Juda.

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Mateyo 26:28

mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Maako 14:24

Lyalo wakabaambila ayi, “Ubu mbulowa bwangu bwa cipangano cipya bweshi bukatiilwe ceebo ca bantu baanji.

Luka 22:20

Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Joni 6:63

Cipa buumi nguMushimu Usalashi. Nkusu sha muntu mwiine taaku mboshibete napaceyi. Maswi ngondamulwiita alaleta Mushimu Usalashi upa buumi.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Loma 4:15

Milawo ilalengesha Lesa kupa milandu bantu, sombi na taaku Milawo, taaku muntu weenga weesotoka.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

Bene Loma 7:6

Ono Lesa wakatwaangulula kuswa kuMilawo mukwiinga twakafwa kuli njiyo yakalinga kutwaangite. Aboobo mubwikaalo bukulukulu bwakukonkelabo Milawo ilembetwe twakaswaamo, bulya Mushimu Usalashi ngootucafwa kusebensela Lesa munshila ipya.

Bene Loma 8:2

Ceebo kweendeleshekwa aMushimu Usalashi uko kuleta buumi kwiinda muli Klistu Jesu, kwaŋangulula kumulawo wa bubi uyo uleta lufu.

1 Bene Kolinto 11:25

Mbweeke ubo ndibakamana kulya Mulalilo wakabwesa nkomeshi akwaamba ayi, “Nkomeshi iyi ncecipangano cipya cakwe Lesa ciyuminishikwa abulowa bwangu. Lyoonse pakunwa kamucita boobo mukunjibaluka.”

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 3:5

Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

2 Bene Kolinto 3:14

Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

2 Bene Kolinto 3:7

Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

2 Bene Kolinto 3:9

Na mulimo wa loombolosho akupa mulandu yakesa abulemu, cilaakweela kuli pamulimo uyo uleta bululami?

Bene Galatiya 3:21

Sa nkokwaamba ayi Milawo ilapikisha sheesho Lesa nshaakashomesha? Sobwe, napaceyuubo! Mukwiinga bantu nebakalinga kuba abuumi kwiinda mukukonkela Milawo, naakwiinga muntu woonse wakalulamikwa pameenso akwe Lesa kwiinda mukukonkela Milawo iyo.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Efeso 2:5

Nakubi kwaamba ayi twakalinga kufwite mumushimu ceebo ca shibiibi shesu, wakatupa buumi pantu pomwi aKlistu. Mwakapulushikwa kwiinda muluse lwakwe Lesa.

Bene Efeso 3:7

Lesa wakampa mulimo wakushimikila Makani Abotu kwiinda muluse lwakwe, mukucita boobo wakabonesha nkusu shakwe.

Dutolonomi 27:26

“ ‘Aashinganishikwe muntu uli woonse uyo utakonkeli maswi oonse ali mumilawo yoonse yakwe Lesa.’ “Mpeeke bantu boonse balaakwaamba ayi, ‘Ameni’

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

2 Timoti 1:11

Lesa wakansala kuba mutumwi amufundishi kwaamba ayi nshimikile Makani Abotu.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 7:22

Aboobo, bupusano ubu buliiwo bulatubonesha ayi Jesu ngoolengesha ayi cipangano cibotu ici cicitike.

Bene Ebulu 8:13

Kwiinda mumaswi akwaamba ayi, “Cipangano cipya,” Lesa walengesha ayi cipangano citaanshi cibule mulimo. Ono na cintu coonse cabula mulimo alimwi cakubuluka, ingayi cili pafwaafwi kuloba.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.