2 Bene Kolinto 3:14 - Baibo Busansulushi Bwa Libuku Ili

¹⁴ Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

2 Bene Kolinto 3:14 ပူးပေါင်းရင်းမြစ်များ

Kulumbaisha 69:23

Amubalengeshe kupofola! Amulengeshe misana yabo kubula ncito!

Isaya 25:7

Mpomunyaawo pakalundu mpweshi akafwekwite bantu likumbi lya buumba ilyo lyalinga pamishobo yoonse.

Isaya 44:18

Bantu ba mushobo uyo taaku ncebeshi, tabanyumfwishi. Meenso abo akacalwa ayi batanoobona atwalo tulango twabo twakashindamina ayi batakoonshi kwishibaawo cintu nabi comwi.

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 6:23

Sombi na meenso anu katabete kabotu, nkokwaamba ayi mubili woonse ulaba mumunshinshe. Ono na mumuni waba munshinshe, ingayi munshinshe uyo ulaakubabo mbi!

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Milimo ya Batumwi 13:15

Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.”

Milimo ya Batumwi 15:21

Mukwiinga Milawo yakwe Mose yakatalikabo kale kale kubelengwa mushoonde sha baJuda. Aboobo bantu balashimikila maswi ngaakaamba lyoonse pabushiku bwakookesha bwa Cibelu mumandabala oonse.”

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

2 Bene Kolinto 3:15

Ee, kushikila acecino ciindi ndibabelenga shakalemba Mose, cisani cicibafweketebo pamyoyo.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.