2 Bene Kolinto 2:17 - Baibo Busansulushi Bwa Libuku Ili

¹⁷ Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 2:17 ပူးပေါင်းရင်းမြစ်များ

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Milimo ya Batumwi 20:20

Mulishi kwaamba ayi taaku cintu nabi comwi cakalinga kuyandika kuli ndimwe ncendakamushisa, sombi ndakamushimikila akumwiisha makani apali Jesu pameenso a bantu alimwi amumaandaanu.

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

1 Bene Kolinto 5:8

Aboobo tulyeelete kusekelela bushiku bwesu bwa Pasika cakushomeka alimwi mulushinisho isho shili anga ngushinkwa utacite cimena. Tatweelete kuba ashibiibi sha mushobo uli woonse isho shiimikaninwa ashinkwa ucite cimena.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 1:18

Bweenka Lesa mbwaashomeka, ncendakamulasha tecakalinga cakwaamba ayi, “Ee” nabi ayi, “Sobwe”.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 6:7

mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.

Bene Galatiya 1:6

Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.