2 Bene Kolinto 2:12 - Baibo Busansulushi Bwa Libuku Ili

¹² Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

2 Bene Kolinto 2:12 ပူးပေါင်းရင်းမြစ်များ

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Milimo ya Batumwi 16:11

Twakanyamuka abwaato bunene kuswa kuTulowasi akuya kunsumbu ya Samotilesi. Bushiku bwakaboolaawo twakashika kuNiyapolisi.

Milimo ya Batumwi 16:8

Lyalo bakeenda kuMisiya akuya kundabala ya Tulowasi.

Milimo ya Batumwi 20:8

Mucipinda ca peculu umo motwakalinga kubungene, mwakalinga malampi aanji akalinga kunyaka.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

1 Bene Kolinto 16:9

Kuno Lesa wancalwita mulyango kwaamba ayi ncite mulimo unene nakubi ayi kuli bampikisha baanji.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Bene Kolinto 9:14

Mbweeke ubo Mwaami Jesu wakaamba ayi abo bashimikila Makani Abotu, balyeelete kucana cakulya kwiinda mukushimikila uko.

1 Bene Kolinto 9:16

Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

2 Bene Kolinto 10:14

Ceebo cakwaamba ayi muli mumanyinsa ayo, tatukwe kwaindilila nditwakesa kuli ndimwe akumushimikila Makani Abotu apali Klistu.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

2 Bene Kolinto 11:7

Ndakalibombya kwaamba ayi mwebo musumpulwe ceebo ndakamushimikila Makani Abotu akwe Lesa cakutamulipilisha. Sa ndakabisha kucita boobo?

2 Bene Kolinto 4:3

Ceebo na Makani Abotu ngotushimikila alishisitwe, ingayi nkubaabo beenka batoosoweka.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Kolinto 8:18

Twamutuma amushominyineesu uyo ulemekwa abuumbi mushoonde shoonse ceebo ca mulimo wakwe wakushimikila Makani Abotu.

2 Bene Kolinto 9:13

Mulimo uyu ulaakutondesha ayi mulashomeka alimwi baanji balaakulumbaisha Lesa ceebo ca mbuli mbomushimikila akunyumfwila bwaamba Makani Abotu apali Klistu. Peculu lya waawo balaakulumbaisha Lesa ceebo mulabaana ambabo akubaana abantu bamwi boonse nshemucite cakusangalala.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,