2 Bene Kolinto 2:10 - Baibo Busansulushi Bwa Libuku Ili

¹⁰ Kulilabo muntu ngomwalekelela anebo ndamulekelela. Ceebo na ndalekelela muntu, na kaciyandika kumulekelela, Klistu ulishi kwaamba ayi ndacita boobo ceebo ca ndimwe.

2 Bene Kolinto 2:10 ပူးပေါင်းရင်းမြစ်များ

Mateyo 18:18

“Ntoomulwiita calushinisho ayi cintu coonse nceenga mwaanga pacishi ca panshi, akwiculu koonse caangwa. Cili coonse nceenga mwaangulula pacishi ca panshi akwiculu cilaakwaangululwa.

Joni 20:23

Na mwalekelela muntu uli woonse shibiibi shakwe, ingayi ndushinisho walekelelwa. Ono na mwabula kumulekelela, ingayi ncakwiila teshi akalekelelwe.”

1 Bene Kolinto 5:4

Mwaakubungana muliina lya Mwaami Jesu, anebo mumuuya nkanooli amwebo, ankusu sha Mwaami wesu Jesu shikanooli aswebo,

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.