2 Bene Kolinto 13:1 - Baibo Busansulushi Bwa Libuku Ili

¹ Ono luno ndwatatu ndoondibambite kwisa kooko kuli ndimwe. Malembo akwe Lesa alaamba ayi, “Makani oonse alyeelete kwiimikaninwa abakamboni bobilo nabi botatwe.”

2 Bene Kolinto 13:1 ပူးပေါင်းရင်းမြစ်များ

1 Baami 1:14

Lyalo mwebo kamucaamba abaami, anebo ntoonjila akusuminisha nceshi mwaambe.”

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Shakubelenga 35:30

“ ‘Muntu uli woonse ucite mulandu wakucaya mubye inga wapekwa mulandu akucaikwa kwiinda mubukamboni bwa bantu bobilo nabi beendaawo, sombi taaku weelete kucaikwa kwiinda mubukamboni bwa muntu womwibo.

Mateyo 18:16

Sombi na wabula kukunyumfwila, ambilaawo aumwi nabi bobilo uyaabo kwaamba ayi, ‘Makani aambwe pameenso a bakamboni bobilo nabi botatwe,’ kweelana ambokulembetwe mumaswi akwe Lesa.

2 Bene Kolinto 12:14

Bulya luno ndwatatu ndoondibambite kumufwakashisha. Alimwi teshi nkamupensheewo ceebo nshintokweendela shintu shanu, sombi mwebo nobeene. Teshi baana beelete kubamba shiyanda bashali, sombi mbashali babamba shiyanda baana.

Dutolonomi 17:6

Nacibi boobo, ulyeelete kucaikwa na paba bakamboni bobilo nabi botatwe beenga bamushinina. Teelete kucaikwa na palibo kamboni womwi.

Dutolonomi 19:15

“Kamboni womwi taakoonshi kulengesha ayi muntu umwi apekwe mulandu. Kulyeelete kuba bakamboni bobilo nabi botatwe ayi apekwe mulandu.