2 Bene Kolinto 12:9 - Baibo Busansulushi Bwa Libuku Ili

⁹ Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

2 Bene Kolinto 12:9 ပူးပေါင်းရင်းမြစ်များ

2 Baami 2:15

Balaluki abo bakalinga makumi osanwe bakaswa kuJeliko bakamubona akwaamba ayi, “Nkusu shakwe Elija shesa kuli Elisha!” Bakaya bamukumanya, bamufukamina

Kulumbaisha 8:2

Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.

1 Bene Kolinto 2:5

Ndakacita boobo kwaamba ayi mutashomi ceebo ca busongo bwa buntu, sombi ceebo cankusu shakwe Lesa.

2 Bene Kolinto 11:30

Na ndyeelete kulilumbaisha, ndaakulilumbaisha pashintu shitondesha mboondefukite.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

2 Bene Kolinto 12:10

Aboobo ceebo cakwe Klistu ndikondetwe kulefuka, kutukanwa, kupenga, kupenshekwa alimwi amakatasho. Mukwiinga, muciindi ndyeendefukite, lyalo ndyeenjuma.

2 Bene Kolinto 12:15

Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Bene Kolinto 12:5

Aboobo ndaakulilumbaisha ceebo ca musankwa uyo, sombi teshi nkalilumbaishe palwaangu citobo pashintu shitondesha mboondefukite.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”