2 Bene Kolinto 12:4 - Baibo Busansulushi Bwa Libuku Ili

⁴ Kumusena uko wakanyumfwa shintu isho muntu nshaatakonshi kusansulula alimwi nshaatakwe kusuminishikwa kwaamba.

2 Bene Kolinto 12:4 ပူးပေါင်းရင်းမြစ်များ

Esekelo 31:9

Ndakacilengesha kuboneka kabotu abuumbi mukucipa misampi iinji. Ncakwiila shisamu shoonse sha mumuunda wa Edeni shakalinga kukumbwa kuba mbuli cisamu ico.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Luka 23:43

Lyalo Jesu wakamwaambila ayi, “Ncakwiila ntookulwiita ayi sunu lyeenka utooba anebo muMusena ukondelesha.”

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

2 Bene Kolinto 12:2

Ndishi musankwa umwi ushoma muli Klistu wabwesekwa akutolwa kwiculu kwiine. Pakeenda myaaka likumi ayone ici ndicakacitika. Nshishi na cakacitika cancinencine, na wakalinga kubonabo anga muciloto, Lesa eenkabo ngooshi.

1 Bene Tesalonika 4:17

Mpomunyaawo sobamwi sweshi tukacanike katuli boomi paciindi ico, Lesa ulaakutubunganya pantu pomwi ambabo mumakumbi ayi tukakumane aMwaami Jesu mwiculu. Anu ubo mbweshi tukekaale aMwaami Jesu lyoonse alyoonse.

Ciyubululo 12:5

Mwanakashi uyu wakatumbuka mwaana musankwa uyo weshi akeendeleshe shishi shoonse ankooli ya nshimbi. Sombi mwaana uyu wakasompolwa akutolwa kwiculu kuli Lesa, uko kuli cuuna cakwe ca bwaami.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.