2 Bene Kolinto 12:21 - Baibo Busansulushi Bwa Libuku Ili

²¹ Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

2 Bene Kolinto 12:21 ပူးပေါင်းရင်းမြစ်များ

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Esila 9:3

Ono ndindakanyumfwa boobo, ndakakwamoona shakufwala shangu akunonkola misusu alimwi andesu shangu mubukali. Lyalo ndakekala panshi mubuumba bunene abuumbi.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulonga 32:31

Lyalo Mose wakaboolela kuMwaami Lesa akwaamba ayi, “Bantu aba bacita cibiibi ciyoosha. Bakapanga lesa wa golodi akumulambila.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Bene Loma 9:2

pakwaamba ayi ndicite buumba bunene abuumbi alimwi ndapenshekwa mumoyo ceebo ca baJudama.

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

2 Bene Kolinto 10:6

Ono mwaakubonekabo ayi mutoonyumfwila Klistu cakumaninina, tulilibambite kupa mulandu uyo woonse utanyumfwili.

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

2 Bene Kolinto 13:2

Ndakacenjesha bantu abo bakabisha abamwi boonse alimwi bulya ntoomucenjesha kaantabete amwebo, bweenka mbuli mbondakacita mulweendo lwabili kaandi amwebo, ayi ndaakwisa alimwi teshi nkanyumfwilewo nkumbu bantu abo.

2 Bene Kolinto 8:24

Amutondeshe basankwa abo ayi mulibabasuni. Shoonde shoonse shaakunyumfwa cikani ico, shilaakushinisha kwaamba ayi kumulumbaisha kwesu nkwalushinisho.

Bene Galatiya 5:19

Ono milimo ya buntu ilibwenekete patuba, njeeyi, bufuule, kutanoosalalite, kutalitibuka, kucita shintu shitaluleme,

Dutolonomi 9:15

“Aboobo ndakapiluluka akuseluka pakalundu, kaanjumwite mabwe obilo apampamene apo pakalinga kulembetwe cipangano. Mulilo wakalinga kubwenekete koobilima pakalundu.

Dutolonomi 9:25

“Aboobo ndakafubama pameenso aMwaami Lesa nshiiku makumi one mukwiinga ndakalinga kwishi ayi wakalinga kushinishite kumunyonyoola.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Judi 1:23

Bamwi amubayokole mumulilo utamaani akubapulusha. Kuli bamwi beendeleshekwa ashiyanda mibili yabo shibiibi, amubanyumfwile nkumbu. Sombi mulyeelete kucenjela kwaamba ayi mutakoweli abuumi bwa bubi.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 22:20

Uyo woonse usumina makani aya oonse ulaamba ayi, “Ee ncalushinisho! Ntoofwambaana kwisa!” Acibe boobo. Kosa oMwaami Jesu!

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.