2 Bene Kolinto 12:20 - Baibo Busansulushi Bwa Libuku Ili

²⁰ Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

2 Bene Kolinto 12:20 ပူးပေါင်းရင်းမြစ်များ

Kulumbaisha 41:7

Boonse bampatite balatepeteshanya pali ndime akumfuya. Batoopinga kuncita cintu cibiibi cabucayi.

Tushimpi 16:28

Muntu mubiibi ulaleta kwaambana. Kufuya kulapansaanya beshicibusa.

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

1 Bene Kolinto 1:11

Ceebo bamwi bamuŋanda yakwe Kuloyi bakandwiita ayi pali kutanyumfwana pakati kanu.

1 Bene Kolinto 14:33

Mukwiinga Lesa taasuni kunyonyongana, sombi ulisuni luumuno. Ono kweelana amushoonde shimwi shoonse sha bantu bakwe Lesa,

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

2 Bene Kolinto 1:23

Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

2 Bene Kolinto 10:2

mutankakatishi kwaamba ayi nkese abukali ceebo ncakwiila ndakonsha kukalalila bantu abo batuyeeyela ayi tulacita mulimo wesu mubuntu.

2 Bene Kolinto 10:6

Ono mwaakubonekabo ayi mutoonyumfwila Klistu cakumaninina, tulilibambite kupa mulandu uyo woonse utanyumfwili.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

2 Bene Kolinto 13:2

Ndakacenjesha bantu abo bakabisha abamwi boonse alimwi bulya ntoomucenjesha kaantabete amwebo, bweenka mbuli mbondakacita mulweendo lwabili kaandi amwebo, ayi ndaakwisa alimwi teshi nkanyumfwilewo nkumbu bantu abo.

2 Bene Kolinto 2:1

Paceebo ceeco ndakayeeya kwaamba ayi ntesi mukumufwakashisha akumupensha alimwi.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Bene Galatiya 5:26

Tatweelete kunoolisumpula, kunookalashanya nabi kunoonyumfwilana munyono.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.