2 Bene Kolinto 12:18 - Baibo Busansulushi Bwa Libuku Ili

¹⁸ Ndakasenga Taitasi kwaamba ayi ese amufwakashishe alimwi ndakamutuma pantu pomwi amushominyineesu umwi. Sa inga mwaamba ayi Taitasi wakamunyengelelaawo? Sa lakwe anebo tatusebenseshi muyeeyo womwi? Sa buumi bwesu tabukoshenye?

2 Bene Kolinto 12:18 ပူးပေါင်းရင်းမြစ်များ

Neyemiya 5:14

Anu kuswabo ndindakasalwa kuba mweendeleshi wabo mucishi ca Juda, nkokwaamba ayi kuswa mumwaaka wamakumi obilo kushika mumwaaka wamakumi otatwe amyaaka yobilo wa bwaami bwakwe Atasakisesi, nebo abamakwesu tatukwe kulyaawo shakulya isho sheelete kulya mweendeleshi.

Shakubelenga 16:15

Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

Bene Loma 4:12

Ngoishiwabo abo bakapalulwa abalo. Teshi ceebo cakupalulwa ceenka, sombi bali amunshila ya lushomo iyo yakalinga kwikalamo ishiwesu Abulaamu kaatana kupalulwa.

1 Bene Kolinto 4:21

Ono amusaleewo ncemusuni, nkese amusako, na amoyo wa lusuno akulibombya.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

2 Bene Kolinto 8:6

Nceceeco ncetwakalwiitilisha Taitasi ayi ulyeelete kumanishisha mulimo wa luse ngwaakatalika kale pakati kanu.

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.