2 Bene Kolinto 12:16 - Baibo Busansulushi Bwa Libuku Ili

¹⁶ Cimwi ciindi inga mwasumina kwaamba ayi nshikwe kumupenshaawo. Sombi umwi inga waamba ayi ndakalinga kucenjete, alimwi ndamwiinda kumaano ashintu shabubeshi.

2 Bene Kolinto 12:16 ပူးပေါင်းရင်းမြစ်များ

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 11:20

Ceebo mwebo mulakondwa bantu bamutola mubusha, na bamunyengelela shintu, na bamubeca, na bamulenga buluya nabi bamuuma mpaka kumeenso.

2 Bene Kolinto 12:13

Sa kuliiwo cintu cimwi ncendakacita kushoonde shimwi ico ncitakwe kucita kuli ndimwe, kulekabo cakwaamba ayi nshikwe kumupensha pashintu nshendakalinga kuyanda? Nobamakwesu amundekelele na nkokulubya uko.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 6:8

Bantu balatulemeka akutusebaanya, balatwaamba bubi abubotu, balatucita anga tuli babeshi, sombi tatubeci, sobwe.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

1 Bene Tesalonika 2:3

Nditwakalinga kumushimikila Makani Abotu, tatukwe kusebensesha miyeeyo imwi ibiibi nabi kubeca bantu.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

1 Pita 2:3

kamuli mwanyumfwawo kale bubotu bwa Mwaami.