2 Bene Kolinto 12:15 - Baibo Busansulushi Bwa Libuku Ili

¹⁵ Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Bene Kolinto 12:15 ပူးပေါင်းရင်းမြစ်များ

2 Samwelo 13:39

Mpeeke mwaami Defedi wakamuyeeya abuumbi kumubonaawo mwanaakwe alimwi, mukwiinga ciindi ico wakalinga kulubitelubiteeko shalufu lwakwe Amunoni.

2 Samwelo 18:33

Cikani ico mwaami Defedi cakamupula mumala abuumbi. Wakaya mucipinda cakalinga kunembo lya mwinjililo wa mukati akulila. Pakunooya moomo wakalinga kunooya caamba ayi, “Omwanaangu Abusalomu! Omwanaangu musankwa, Omwanaangu Abusalomu! Anu nikwafwabo ndime kuleka ndiwe Abusalomu, maawe mwanaangu, maawe mwanaangu!”

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

2 Bene Kolinto 1:14

sombi ndishi kwaamba ayi kunembo mulaakushinyumfwishisha. Lyalo pabushiku Mwaami wesu Jesu Klistu ndyeshi akese, noonse mulaakulilumbaisha ceebo cesu aswebo ceebo canu.

2 Bene Kolinto 1:6

Lyoonse nditupenga mwebo mulatambula lucafwo lwakukalika myoyo kwaamba ayi mukapulushikwe. Ono ndituyuminishikwa, nkwaamba ayi amwebo muyuminishikwe akuba ankusu shakwiinda mumapensho ayo ngotwiindaamo aswebo.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 12:14

Bulya luno ndwatatu ndoondibambite kumufwakashisha. Alimwi teshi nkamupensheewo ceebo nshintokweendela shintu shanu, sombi mwebo nobeene. Teshi baana beelete kubamba shiyanda bashali, sombi mbashali babamba shiyanda baana.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

2 Bene Kolinto 2:3

Ndakamulembela mbuli mbondakacita, kwaamba ayi ndaakwisa, ntakoongumanishikwi abantu abo beelete kunsangalasha. Ceebo ndashoma kwaamba ayi ndinsangalala amwebo mulasangalala.

2 Bene Kolinto 4:12

Nkokwaamba ayi kuli ndiswe lufu lutokweendelabo mumaansa, sombi mwebo mbuumi.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

2 Bene Kolinto 7:3

Ndindaamba boobo, nshina kwaamba ayi mushinine, sobwe. Mbuli mbondakaambawo kale, mwebo tulimusuni abuumbi cakwaamba ayi taaku ceenga catupansaanya amwebo, lufu nabi cintu cili coonse mubuumi.

Bene Galatiya 4:10

Mulabona nshiku shimwi ayi nshinene, amyeenshi, shiindi sha mumwaaka alimwi amyaaka imwi.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

1 Bene Tesalonika 2:8

Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.