2 Bene Kolinto 12:14 - Baibo Busansulushi Bwa Libuku Ili

¹⁴ Bulya luno ndwatatu ndoondibambite kumufwakashisha. Alimwi teshi nkamupensheewo ceebo nshintokweendela shintu shanu, sombi mwebo nobeene. Teshi baana beelete kubamba shiyanda bashali, sombi mbashali babamba shiyanda baana.

2 Bene Kolinto 12:14 ပူးပေါင်းရင်းမြစ်များ

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

Tushimpi 13:22

Muntu ululeme ulashiila bamulunyungu lwakwe buboni bwakwe, sombi buboni bwa mucita shibi bulaya kubaluleme.

Tushimpi 19:14

Muntu ulakonsha kupyana buboni bwa bashali bakwe boonse, sombi mwanakashi ucenjete ncipo ciswa kuMwaami Lesa.

Esekelo 34:2

“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?

Milimo ya Batumwi 20:33

Nshina kuyandawo kale kubwesa maali nabi cakufwala ca muntu umwi kwiinda mulunkumbwa.

1 Bene Kolinto 10:24

Taaku muntu weelete kuyandoolabo shimukondelesha, sombi shikondelesha babye.

1 Bene Kolinto 10:33

Amucite kweelana ambooncita. Nebo ndeelesha kukondelesha bantu boonse mushintu nsheencita. Nshiyandoolibo sheesho shikonda ndime nemwiine, sombi shikonda boonse kwaamba ayi abalo bapulushikwe.

1 Bene Kolinto 11:34

Alimwi na umwi ulifwite nsala ulyeelete kulita limwi kuŋanda kwaamba ayi mutakalileteli bukali bwakwe Lesa ceebo cakubungana kwanu. Ono shimwi shikani ndaakushibamba ndaakwisa.

1 Bene Kolinto 16:5

Ono uko ndaakumufwakashisha, ndaakuswa kuMakedoniya ceebo nkoontooyeeya kwiinda.

1 Bene Kolinto 4:19

Sombi na Mwaami kaayanda, ndaakwisa uko onoonobo. Lyalo ndaakwiipushepusha akwishiba, kuteshibo nshebaamba abo, sombi ankusu nshibasebensesha bantu abo balisumpula.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

1 Bene Kolinto 9:19

Nebo ndyaangulukite, nshibete musha wa muntu uli woonse. Nakubi boobo ndakalisandula musha kubantu boonse kwaamba ayi ndete baanji kuli Lesa.

2 Bene Kolinto 1:15

Ceebo cakushoma boobo, ndakalinga kuyeeya kwaamba ayi ntaangune kufwakashisha ndimwe ayi mukapekwe shoolwe mankanda obilo.

2 Bene Kolinto 11:9

Paciindi ndindakalinga amwebo, ndakalinga kuyanda lucafwo lwa maali, sombi nshikwe kupensha ndimwe. Bashominyineesu bakaswa kuMakedoniya bakampa shoonse nshendakalinga kuyanda. Nshikwe kupensha ndimwe palucafwo alimwi teshi mupeenshe bulya, nabi bumwi bushiku.

2 Bene Kolinto 12:13

Sa kuliiwo cintu cimwi ncendakacita kushoonde shimwi ico ncitakwe kucita kuli ndimwe, kulekabo cakwaamba ayi nshikwe kumupensha pashintu nshendakalinga kuyanda? Nobamakwesu amundekelele na nkokulubya uko.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

1 Bene Tesalonika 2:11

Mulishi kwaamba ayi womwi awomwi pakati kanu, twakalinga kumucitabo anga ngumushali musankwa mbwaacitila bana bakwe mwiine.

1 Bene Tesalonika 2:8

Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!