2 Bene Kolinto 11:26 - Baibo Busansulushi Bwa Libuku Ili

²⁶ Munyendo shiinji ndakalinga kupulukila kwempe kumaanshi, kubapambi, kubaJudama, kubaswamashi bakunsengwe, mumandabala anene, mumisena yatakalinga kwikala bantu, mulweenge lulaamfu akubashominyineesu babeshi.

2 Bene Kolinto 11:26 ပူးပေါင်းရင်းမြစ်များ

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Milimo ya Batumwi 13:50

Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo.

Milimo ya Batumwi 14:19

Lyalo kwakesa baJuda bamwi kuswa kuAntyoki mucishi ca Pisidya alimwi akuIkoniyamu. Bakayungoola bantu ayi banyumfwile mbabo akutalika kuuma Paulo mabwe. Kuswawaawo bakamukwelela pansengwe lya ndabala kabayeeya ayi wafwa.

Milimo ya Batumwi 14:5

Mpomunyaawo bamwi baswamashi bakunsengwe abaJuda alimwi abamatanjilili babo, bakapangana ayi bapenshe batumwi akubooma mabwe.

Milimo ya Batumwi 15:40

Lakwe Paulo wakasala Sailasi akuyaakwe. Bashomi bakabapaililaako kuli Lesa kwaamba ayi abape coolwe.

Milimo ya Batumwi 17:13

Sombi baJuda ba muTesalonika ndibakanyumfwa ayi Paulo utooshimikila maswi akwe Lesa muBiliya amwalo, bakayaako akutalika kuyungoola bantu ayi batalike shimfulunganya.

Milimo ya Batumwi 17:5

Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu.

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

Milimo ya Batumwi 19:23

Mpaciindi ceenka ici, ndikwakacitika mapensho anene abuumbi muEfeso ceebo ca Nshila ya Mwaami Jesu.

Milimo ya Batumwi 20:19

Ndakasebensela Mwaami Jesu cakuliceesha abuumbi, cimwi ciindi aminsonshi ceebo ca mapensho akalinga kundetela baJuda.

Milimo ya Batumwi 20:3

uko nkwaakekala myeenshi yotatwe. Ndyaakalinga kulibambila shakuya kuSilya abwaato bunene, wakanyumfwa ayi baJuda batoopinga kumucaya. Paceebo ceeco, wakayeeya kuboola kwisule kwiinda muMakedoniya.

Milimo ya Batumwi 23:10

Makoto a bantu obilo ayo akaambana cankusu cakwaamba ayi Mutanjilili munene wa bashilumamba wakaloonda ayi batoocaya Paulo. Lyalo wakaambila bashilumamba bakwe ayi baye bamukushe mubantu akumutola mulilinga lyabo.

Milimo ya Batumwi 25:3

ayi abanyumfwile nkumbu, abooshe Paulo kuJelusalemu. Bakaamba boobo mukwiinga bakalinga kusuni ayi bamucaaye munshila.

Milimo ya Batumwi 27:42

Ono bashilumamba bakapangana ayi bacaye bakaili kwaamba ayi kutabi nabi womwi eshi asambe njabwe kushika kwitala akuloboka.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Loma 8:35

Ino ono nciinshi nceenga catupansaanya alusuno lucite Klistu pali ndiswe? Sa ngamapensho, makatasho, kupenshekwa, nsala, bukandu, shiloondesha nabi lufu?

1 Bene Kolinto 15:30

Nabi na swebo ncetwikalila buumi bwacipulukepuluke lyoonse, nciinshi?

1 Bene Kolinto 15:32

Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”

2 Bene Kolinto 11:32

Ndindakalinga muDamasikasi mweendeleshi wa mwaami Aletasi, wakabika beshikulindilila paminjililo yoonse ya ndabala inene iyo kwaamba ayi bancaate.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.