2 Bene Kolinto 11:20 - Baibo Busansulushi Bwa Libuku Ili

²⁰ Ceebo mwebo mulakondwa bantu bamutola mubusha, na bamunyengelela shintu, na bamubeca, na bamulenga buluya nabi bamuuma mpaka kumeenso.

2 Bene Kolinto 11:20 ပူးပေါင်းရင်းမြစ်များ

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Malilo 3:30

Aasumine kuumwa nabi kucobolwa, ee, aasumine kusebaanishikwa.

Maako 12:40

Aba bantu mbobabwesa buboni bwa bamukalubinje banakashi, akubeca kupaila mipailo ilaamfulaamfu kwaamba ayi bantu bababoone. Ncakwiila, Lesa ulaakuboombolosha cankusu.”

Luka 6:29

Na muntu wakuuma kulicili, piluluka akuume kulimwi alyalo. Na muntu wabwesa cakufwala cako capeculu, mupeteewo acakufwala camukati.

1 Bene Kolinto 4:11

Abobulya tuloona nsala alimwi tuleendabo anyotwa. Tatufwali kabotu tuloomwa abuumbi, tuli beshikulongalonga.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 12:16

Cimwi ciindi inga mwasumina kwaamba ayi nshikwe kumupenshaawo. Sombi umwi inga waamba ayi ndakalinga kucenjete, alimwi ndamwiinda kumaano ashintu shabubeshi.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Galatiya 4:25

Aga uleemikanina Kalundu ka Sinayi kali mucishi ca Alebya, alimwi ulikoshenye andabala inene ya Jelusalemu ya cecino ciindi, mukwiinga yalo abantu bekalaamo bali mubusha.

Bene Galatiya 4:3

Aswebo mbotwakalinga bweenkoobo katutana kwishiba Klistu, twakalinga basha ba nkalilo ya buumi bwa buntu.

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

Bene Galatiya 5:10

Ono ceebo cakwaamba ayi tuli womwi muMwaami wesu Jesu Klistu, ndashoma kwaamba ayi teshi mukakonkele miyeeyo imwi ipusene. Ono lakwe uyo utoomufulunganya, nabi na ngani, Lesa ulaakumupa mulandu.

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.