2 Bene Kolinto 11:13 - Baibo Busansulushi Bwa Libuku Ili

¹³ Ceebo bantu abo mbatumwi babeshi, mbasebenshi beshi kuya cicenjeeka ayi baboneke anga mbatumwi bakwe Klistu bancinencine.

2 Bene Kolinto 11:13 ပူးပေါင်းရင်းမြစ်များ

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Jelemiya 27:14

Mutakutiki shitokwaamba balaluki abo batoomwaambila ayi, ‘Teshi mukasebenselewo mwaami wa bene Babiloni.’ Batoomulalukilabo shabubeshi.

Mateyo 25:24

“Ono alakwe uyo wakapekwa cuulu comwi wakashika akulwiita mwaami wakwe ayi, ‘Nkambo, ndakalinga kwishi ayi mwebo muli babiibi moyo. Mulatebula mpomutakwe kushanga akuyobolola mpomutakwe kuminsa.

Milimo ya Batumwi 15:1

Basankwa bamwi bakaswa kucishi ca Judeya, bakesa kuAntyoki akutalika kwiisha bashomi ayi, “Na mwabuula kupalulwa kweelana abwaamba Milawo yakwe Mose, Lesa teshi akamupulusheewo.”

Milimo ya Batumwi 15:24

Twakanyumfwa ayi bamwi bakaswa mulikoto lyesu bakesa mukumupensha akumufulunganya pamakani ngobakaamba kuli ndimwe. Aba bantu tabakwe kupekwa nkusu kuswa kuli ndiswe.

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

2 Bene Kolinto 11:15

Aboobo tacikankamanishi kwaamba ayi abalo basebenshi bakwe balayubila mukuboneka anga mbasebenshi ba bululami. Meelelesho abo alaakuba bubete milimo yabo.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Galatiya 4:17

Beshikukonkela kwiisha kwa baJuda abo batoobonesha lusuno lunene kuli ndimwe, sombi lusuno lwabo taaku mbolubete. Balisunibo kwaamba ayi bamupatule kuli ndiswe ayi mubacafweeko amoyo woonse.

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Filipi 3:18

Ndamulwiita lyoonse mankanda maanji alimwi ntekubooshaawo kaandila. Kuli bantu baanji batondesha mubuumi bwabo ayi mbalwani kumakani akwe Klistu pamucilingano.

Bene Filipi 3:2

Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.