2 Bene Kolinto 11:10 - Baibo Busansulushi Bwa Libuku Ili

¹⁰ Kwiinda mulushinisho lwakwe Klistu luli muli ndime, taaku eshi akankashe kulilumbaisha uku mucishi coonse ca Akeya.

2 Bene Kolinto 11:10 ပူးပေါင်းရင်းမြစ်များ

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Milimo ya Batumwi 18:27

Lyalo Apolosi wakayeeya kuya kuAkeya. Bashomi ba muEfeso bakamuyumya kwiinda mukulemba nkalata yakutola kubashomi ba muAkeya kwaamba ayi bamutambule kabotu. Ndyaakashika, wakacafwa bumbi abo bakalinga kushoma muli Jesu kwiinda muluse lwakwe Lesa.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 16:5

Amuŋanshileko bashoma muli Klistu abo babungana muŋanda yabo. Ndaansha Epenetasi mweensuma usunikwi abuumbi uyo wakataanguna kushoma muli Klistu mucishi ca Esha.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

1 Bene Kolinto 16:15

Mulishi kabotu kwaamba ayi Sitefanasi abamuŋanda yakwe, mbobataanshi kushoma muli Jesu mucishi ca Akeya alimwi bakalibenga beene kusebensela bashominyinaabo. Ono ntoomusenga, nobamakwesu, ayi

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

2 Bene Kolinto 1:23

Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

2 Bene Kolinto 10:15

Aboobo tatulilumbaishi pamilimo yakacita bamwi kusotoka manyinsa Lesa ngwaakatupa. Sombi tulayanda ayi lushomo lwanu lukomene alimwi ayi tukakonshe kucita milimo imwi iindaawo pakati kanu, kweela mumanyinsa Lesa ngwaakatupa.

2 Bene Kolinto 11:12

Ntootolelela kucita nceentoocita bulya kwaamba ayi bamwi babule ceebo cakulilumbaisha, akwaamba ayi balacita mulimo uyu bweenka mbuli ndiswe.

2 Bene Kolinto 11:31

Lesa alimwi Ishi Mwaami wesu Jesu, uyo weelete kulumbaishikwa lyoonse alyoonse, ulishi ayi nshintoobeca.

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 9:2

Ceebo ndishi kwaamba ayi mulayandishisha kucafwa alimwi ndakamulumbaisha abuumbi kubene Makedoniya. Ndabaambila kwaamba ayi, “Bashominyineesu muAkeya balinga kulibambite kucafwa kuswabo mwakali.” Aboobo kuyandishisha kwanu kwalengesha ayi bantu baanji bayande kucita mulimo uyu.

Bene Galatiya 1:20

Ntoomulwiita calushinisho pameenso akwe Lesa ayi makani ayo ngontoomulembela ngancinencine.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.