2 Bene Kolinto 10:7 - Baibo Busansulushi Bwa Libuku Ili

⁷ Amubone shimucitikila. Na kuli muntu uliyeeyela kwaamba ayi ngwakwe Klistu, ncibotu aliyeeye alimwi ceebo swebo tuli bakwe Klistu bweenka mbwaabete lakwe.

2 Bene Kolinto 10:7 ပူးပေါင်းရင်းမြစ်များ

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

1 Bene Kolinto 1:12

Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”

1 Bene Kolinto 14:37

Na kuli umwi uyeeya ayi ulicite cipo cakwaamba maswi akwe Lesa nabi cipo cimwi ciswa kuMushimu Usalashi, ulyeelete kwishiba kwaamba ayi ncentoomulembela bulya ngumulawo uswa kuMwaami Jesu.

1 Bene Kolinto 15:23

Sombi womwi awomwi ulaakubushikwa paciindi cakwe ceelete, Klistu ngowakataanguna, ono aakwisa, mbaabo bamushoma.

1 Bene Kolinto 3:23

Amwebo muli bakwe Klistu, alakwe Klistu ngwakwe Lesa.

1 Bene Kolinto 9:1

Sa nshaangulukite? Sa nshishi mutumwi? Sa nshikwe kumubona Jesu Mwaami wesu? Sa te ndimwe shisepo sha mulimo ngondakasebensela Mwaami?

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 11:18

Bantu baanji balalilumbaisha mubuntu bwabo, anebo andilumbaisheewo yaaya!

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

2 Bene Kolinto 12:11

Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.

2 Bene Kolinto 13:3

Ono ndyeshi mukabone citondesho kwaamba ayi Klistu ngowaamba muli ndime. Taalefuki pakumucita mbomweelete, sombi ulatondesha nkusu shakwe pakati kanu.

2 Bene Kolinto 5:12

Tatutoolilumbaisha kuli ndimwe alimwi, sobwe. Ncetutoocita nkwaamba ayi mube aceebo cibotu cakulilumbaishilaawo muli ndiswe, ee, kwaamba ayi mube acakukumbula baabo bakondwabo musheesho shiboneka ameenso, kuteshi shili mumoyo wa muntu.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

1 Joni 4:6

Sombi swebo tuli bakwe Lesa. Uyo woonse ushi Lesa ulatunyumfwila alimwi uyo woonse uteshi wakwe Lesa taatunyumfwili. Anu mboboobo mbotupusanya Mushimu wancinencine awa bubeshi.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”