2 Bene Kolinto 10:3 - Baibo Busansulushi Bwa Libuku Ili

³ Ee, tuli bantu, sombi tatulwaani bucita bali mubuntu.

2 Bene Kolinto 10:3 ပူးပေါင်းရင်းမြစ်များ

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

Bene Loma 8:13

Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.

Bene Loma 8:4

Lesa wakacita ceeco kwaamba ayi swebo sotweendeleshekwa aMushimu Usalashi, tucite shoonse shiluleme kweelana aMilawo, kuteshi busuni mibili yesu.

2 Bene Kolinto 1:17

Ndindakayeeya boobo, sa mutooyeeya ayi ndakalinga kucita cakampuwe? Sa ndi anga ngumuntu utayeeyi pakucita shintu, uyo waamba ayi, “Ee” alimwi ayi, “Sobwe” paciindi comwi?

2 Bene Kolinto 10:4

Shilwanisho nshetusebensesha teshi sha pacishi ca panshi, sombi nsha nkusu shakwe Lesa isho shinyonyoola bulwani bwa bubi.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

1 Timoti 1:18

Timoti omwanaangu, ndakupa milasho iyi kweelana amaswi a balaluki akaambwa pali ndiwe kwaamba ayi kwiinda mukwaakonkela, ukalwaane nkondo ibotu,

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.