2 Bene Kolinto 10:13 - Baibo Busansulushi Bwa Libuku Ili

¹³ Ono swebo, kulilumbaisha kwesu teshi kukeendilile manyinsa amwi. Tulalilumbaisha mukati ka manyinsa a milimo iyo Lesa njaakatupa. Ncakwiila amwebo muli mumanyinsa a milimo iyo.

2 Bene Kolinto 10:13 ပူးပေါင်းရင်းမြစ်များ

Kulumbaisha 19:4

Sombi nkombe sha nshisho shilaya mucishi coonse, ncakwiila shilanyumfwika akweela cishi koonse. Wakayakila lisuba ŋanda mwiculu,

Tushimpi 25:14

Muntu ushomesha kupa shipo isho nsheshi akabule kupa ncakwiila uli anga ngamakumbi amuuwo isho shitaleti mfula.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Mateyo 25:15

Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Bene Loma 12:6

Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.

Bene Loma 15:20

Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu.

1 Bene Kolinto 12:11

Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

Bene Efeso 4:7

Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.