2 Bene Kolinto 1:20 - Baibo Busansulushi Bwa Libuku Ili

²⁰ Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.

2 Bene Kolinto 1:20 ပူးပေါင်းရင်းမြစ်များ

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Kulumbaisha 102:16

Mwaami Lesa aakuyakulula Siyoni, ulaakuyubulula bulemu bwakwe.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

1 Bene Kolinto 14:16

Ono na walumbabo Lesa mumuuya, shikukutikabo utaaku mbwaabete uliimo mulibungano, inga waamba buyani ayi, “Ameni” pakukutika kulumba kwanu? Ceebo nshemutokwaamba taashishiiwo.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Galatiya 3:22

Sombi Malembo akwe Lesa alaamba ayi bantu boonse bali munkusu sha bubi, kwaamba ayi uyo woonse ushoma muli Jesu Klistu akatambule cipo ico Lesa ncaakashomesha.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

Bene Ebulu 11:13

Bantu aba boonse bakafwabo kabashoma muli Lesa. Tabakwe kutambula shintu isho Lesa nshaakabashomesha, sombi kashicili kulaale, bakashibona akusangalala abuumbi. Bakasumina patuba ayi mucishi ca panshi, ncakwiila mbeensu beendilite.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Bene Ebulu 7:6

Melikisedeki taakalinga wamulunyungu lwakwe Lefi, sombi wakapekwa calikumi kuswa kuli Abulaamu. Kuswawaawo wakapa coolwe Abulaamu, muntu uyo Lesa ngwaakashomesha kumucitila shintu shiinji.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Joni 5:11

Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”