2 Bene Kolinto 1:12 - Baibo Busansulushi Bwa Libuku Ili

¹² Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 1:12 ပူးပေါင်းရင်းမြစ်များ

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

Isaya 38:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

1 Bene Kolinto 1:17

Ceebo Klistu taakwe kuntuma ayi nooya cibombekabo, sombi wakantuma kuya cishimikila Makani Abotu. Nsheelete kwaashimika kweelana abusongo bwa buntu, kuloonda kwaamba ayi nkusu sha lufu lwakwe Klistu pamucilingano inga shayeeyelwa ayi taaku mboshibete.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 2:13

Nkokwaamba ayi tatushimikili maswi aswa mubusongo bwa buntu, sombi mumaswi aswa muMushimu Usalashi. Tuleesha shaMushimu Usalashi kubantu bacite Mushimu uyo.

1 Bene Kolinto 4:4

Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

1 Bene Kolinto 5:8

Aboobo tulyeelete kusekelela bushiku bwesu bwa Pasika cakushomeka alimwi mulushinisho isho shili anga ngushinkwa utacite cimena. Tatweelete kuba ashibiibi sha mushobo uli woonse isho shiimikaninwa ashinkwa ucite cimena.

2 Bene Kolinto 1:17

Ndindakayeeya boobo, sa mutooyeeya ayi ndakalinga kucita cakampuwe? Sa ndi anga ngumuntu utayeeyi pakucita shintu, uyo waamba ayi, “Ee” alimwi ayi, “Sobwe” paciindi comwi?

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

Bene Galatiya 6:4

Muntu woonse ulyeelete kubona milimo yakwe mbuli mbweebete. Na ili kabotu, inga walisumpula ceebo ca njiyo, cakuteelanya aya umwi muntu.

Bene Efeso 6:14

Aboobo amuyume, mufwaale lushinisho anga ngulaamba mubukome. Amufwale bululami anga ncakufwala ca ceela pacaamba.

Bene Filipi 1:10

kwaamba ayi mukakonshe kusala bwikaalo bwiindaawo kubota. Lyalo mulaakwaanguluka kuswa kububi boonse akutumpenda paBushiku ubo aakuboola Klistu.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

Bene Ebulu 13:18

Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.