2 Baami 24:3 - Baibo Busansulushi Bwa Libuku Ili

³ Ici cakacitika kweelana abwakaamba Mwaami Lesa kwaamba ayi akushe bene Juda pameenso akwe mukwiinga wa shibiibi isho shakacita mwaami Manase.

2 Baami 24:3 ပူးပေါင်းရင်းမြစ်များ

2 Baami 18:25

Sa utooyeeya ayi inga ndesa mukulwana cishi cako akucinyonyoola kwakubula liswi kuswa kuMwaami Lesa? Mwaami Lesa mwiine ngowakandwiita ayi nse ndwane cishi cako akucinyonyoola.”

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

2 Makani 24:24

Nabi bene Silya bakalinga baniini mumweelo, Mwaami Lesa wakabalengesha kukoma bashilumamba baanji bene Juda mukwiinga balo bakafutatila Mwaami Lesa, Lesa wa bamashali babo bakulukulu. Munshila iyi Joashi wakapekwa mulandu.

Joshuwa 23:15

Ono bweenka mbwaakamupa shintu shibotu shoonse kweelana ambwaakashomesha, mbweeke ubo ulaakucita kuli ndimwe shibiibi isho shoonse nshaakaamba na mukamufutatile kushikila akamane kumunyonyoola kuswa mucishi cibotu cino ncaakamupa.

Dutolonomi 29:28

Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’

Dutolonomi 28:63

Bweenka mbocakasangalasha Mwaami Lesa ayi amusumpule akumufusha mbweeke ubo mbweshi cikamusangalashe ayi amunyonyoole akumulobya. Mulaakumana katyenke mucishi ico ncemutooya mukwikalaamo.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Jelemiya 52:28

Ngooyu mweelo wa bantu Nebukadinesa mbwaakatola busha. Mumwaaka wasanu ayobilo wa bwaami bwakwe wakatola bene Juda bali 3,023.

Esekelo 24:6

Mwaami Lesa Shinkusu shoonse waamba ayi, “Mapensho kundabala itila bulowa, ndabala ili anga ngumupika ucite ndalabwa isho sheshi shikabule kuswa! Cipumputa comwi acomwi cilakushikwaamo kwakubula aubika maano kumupika uyo.

2 Baami 17:18

Aboobo Mwaami Lesa wakakalala abuumbi pabene Isilaeli akubatandaanya kuswa pameenso akwe, kushiyakobo bamumukowa wakwe Juda.

2 Baami 17:20

Mwaami Lesa wakakaka bene Isilaeli boonse. Wakabapa mulandu akubaaba mumaansa a balwani babo beshilunkutwe tibili wabatanda kuswa pameenso akwe.

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 24:20

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Esekelo 22:3

Ulwiite ndabala ya Jelusalemu ayi nebo neMwaami Lesa Shinkusu shoonse ndaamba ayi, ‘Webo ondabala nooliletela mapensho omwiine ceebo cakutila bulowa pakati ka bantu bako akulibisha mukupanga shibumbwabumbwa.