2 Baami 12:3 - Baibo Busansulushi Bwa Libuku Ili

³ Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko.

2 Baami 12:3 ပူးပေါင်းရင်းမြစ်များ

1 Baami 15:11

Asa wakacita shakakonda Mwaami Lesa mbuli bwakalinga kucita Defedi mushali wakwe mukulukulu.

1 Baami 15:14

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

1 Baami 22:43

Bweenka bwakacita baishi baAsa bataanshi pali nguwe, wakacita shiluleme pameenso a Mwaami Lesa. Sombi misena yakulambililaako ya patulundu taikwe kumwayoolwa. Paceebo ceeco bantu bakatolelela kubenga milambu akutenta tununkila kabotu uko.

2 Baami 12:2

Joashi wakacita shiluleme pameenso a Mwaami Lesa mubuumi bwakwe boonse mukwiinga Jeoiyada mupailishi wakalinga kumupa milasho yoonse.

2 Baami 14:4

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko.

2 Baami 15:3

Wakacita shiluleme pameenso akwe Lesa bweenka bwakacita Amasiya ishi.

2 Baami 15:35

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko. Jotamu ngowakayaka Mwinjililo wakumatwa wa Ŋanda yakwe Lesa.

2 Baami 15:4

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko.

2 Baami 18:3

Wakacita shiluleme pameenso a Mwaami Lesa bweenka bwakacita Defedi mushali wakwe mukulukulu.

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

2 Baami 22:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

2 Makani 31:4

Kuswawaawo Esekiya wakaambila bene Jelusalemu ayi kabaletela bapailishi abene Lefi shipo isho nshebakalinga kweelete kupekwa kwaamba ayi beelibalebo kucita shiyanda Milawo ya Mwaami Lesa.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.