2 Baami 11:4 - Baibo Busansulushi Bwa Libuku Ili

⁴ Mumwaaka wasanu ayobilo Jeoiyada mupailishi wakaambila bamatanjilili ba beshikulindilila mwaami abeshikulindilila ŋanda ya bwaami ayi bese kuŊanda yakwe Lesa. Uko wakapanganaabo akubaambila ayi bashomeshe cakulumbila ayi balaakucita ceeco ncaakalinga kusuni. Mpeeke wakabatondesha Joashi mwanaakwe Aasiya.

2 Baami 11:4 ပူးပေါင်းရင်းမြစ်များ

Matalikilo 50:25

Lyalo Josefu wakasenga bamakwabo, bana bakwe Isilaeli, ayi balumbile. Wakaamba ayi, “Amunshomeshe kwaamba ayi Lesa akumutanjilila kumutola kucishi ico, mulaakutolelela amafuwa angu.”

2 Samwelo 20:23

Muciindi ico Joabu wakalinga ngomutanjilili wa bashilumamba boonse bene Isilaeli. Wakalinga munene wa beshikulindilila Defedi nguBenaya mwanaakwe Jeoiyada.

2 Samwelo 8:18

Wakalinga munene wa beshikulindilila Defedi nguBenaya mwanaakwe Jeoiyada. Beshikupandako maano mwaami Defedi bakalinga mbana bakwe basankwa mwiine.

1 Baami 14:27

Mukuboosheshaawo, mwaami Leoboamu wakapanga mayawo amwi a bulonse akwaabika mumaansa a bamatanjilili ba beshikulindilila kuminjililo ya kuŋanda ya bwaami.

1 Baami 18:10

Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo mwaami Aabu walema kumulangoola mushishi shoonse sha pacishi ca panshi cino. Na mwaami wa cishi ico nceenga weepusha wakaka, uyo mwaami ulyeelete kushomesha cakulumbila ayi tamumo mucishi cakwe.

2 Baami 11:17

Jeoiyada mupailishi wakalengesha ayi Mwaami Joashi abantu boonse bapange cipangano aMwaami Lesa kwaamba ayi babe ba Mwaami Lesa. Wakelengesha alimwi ayi mwaami Joashi abantu bapange cipangano.

2 Baami 11:19

Lyalo wakaya abamatanjilili, beshikulindilila ba mwaami abeshikulindilila kuŋanda ya bwaami kushindikila mwaami kuswa kuŊanda yakwe Lesa kuya kuŋanda ya bwaami. Pesule bantu boonse bakabakonkela. Joashi wakenjilila kuMwinjililo wa Beshikulindilila akwikala pacuuna ca bwaami.

2 Baami 11:3

Mwaana uyo wakalinga kushisitwe kwamyaaka yosanwe awomwi kaalibo ashikumulela muŊanda yakwe Lesa. Ciindi ico Ataliya ngowakalinga kulela mucishi cabo.

2 Baami 11:9

Bamatanjilili abo bakanyumfwa shakaamba Jeoiyada mupailishi. Mpeeke bakaleta basankwa babo kuli nguwe, abo bakalinga kookesha paCibelu alimwi abaabo bakalinga kuya kuncito.

2 Baami 12:7

Mpeeke Joashi wakeeta Jeoiyada mupailishi abapailishi bamwi boonse akubeepusha ayi, “Ino tamutoobambulwitanshi Ŋanda yakwe Lesa? Ono kuswa sunu mutanoobika maali ayo ngomutambula. Mulyeelete kwaaleta kwaamba ayi Ŋanda yakwe Lesa ibambululwe.”

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

1 Makani 9:13

Boonse pantu pomwi bakalinga 1,760 alimwi mbobakalinga bamatanjilili ba bamumaandaabo. Bakalinga kucishi kusebensa milimo yoonse ya muŊanda yakwe Lesa.

2 Makani 15:12

Bakapanga cipangano ico ncebakasuminishanya kwaamba ayi banoolambila Mwaami Lesa, Lesa wa bamashali babo bakulukulu camoyo woonse abuumi bwabo boonse.

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

Neyemiya 5:12

Lyalo bamatanjilili bakakumbula ayi, “Tulaakubabooshesha alimwi teshi tukabwese cintu cimwi cakwiilikaawo kuli mbabo. Tutoocita bweenka mbomwaamba.” Mpomunyaawo ndakeeta bapailishi kwaamba ayi bamatanjilili abacinenenene bashomeshe cakulumbila kunembo lyabo kucita bweenka mbuli mbobakashomesha.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Milimo ya Batumwi 5:24

Ono munene wa beshikulindilila kuŊanda yakwe Lesa abamatanjilili ba bapailishi ndibakanyumfwa makani aya, bakakankamana abuumbi, kabayeeya ayi na nciinshi cacitika kubatumwi.

Milimo ya Batumwi 5:26

Mpeeke uyo munene wa beshikulindilila wakanyamuka abeshikumucafwa, baya kuŊanda yakwe Lesa mukuleta batumwi. Sombi tabakwe kukakatisha batumwi mukwiinga bakalinga kuloonda bantu ayi inga babooma mabwe.

Joshuwa 24:25

Munshila iyo Joshuwa wakapanga cipangano kubantu abo pabushiku ubo alimwi kuShekemu kweenka uko wakabapa milawo amilasho yakukonkela.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

1 Samwelo 23:18

Lyalo bobilo abo bakapanga cipangano pameenso aMwaami Lesa. Mpeeke Jonasani wakaboolela kumishaabo, sombi Defedi wakacaala kuOleshi.