1 Timoti 5:3 - Baibo Busansulushi Bwa Libuku Ili

³ Kolemeka bamukalubinje banakashi batacite beshikubacafwa.

1 Timoti 5:3 ပူးပေါင်းရင်းမြစ်များ

Jobo 29:13

Ndakalinga kulumbaishikwa kubantu bali pafwaafwi kufwa. Ndakalinga kucafwa abamukalubinje ayi banookala kabasangalete.

Jobo 31:16

“Nshindakalinga kwiima bakandu nabi kuleka bamukalubinje kuya bupenga,

Kulumbaisha 146:9

Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Kulumbaisha 94:6

Balacaya bamukalubinje abaswamashi, alimwi balacaya abana banshiwa.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Jelemiya 49:11

Amushiye banabanshiwa banu, ndaakubalama. Bamukalubinje banu abalo balakonsha kucinka manungo muli ndime.”

Mateyo 15:6

Mukucita boobo, mulaubya maswi akwe Lesa ceebo ca milawo yanu ya bakulukulu.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Luka 7:12

Jesu ndyaakashikabo kufwaafwi amwinjililo wa ndabala, wakakumanya beshicililo kabayumwite lufu. Uyo musankwa mufu wakalinga ngomwaana eenkabo kuli banyina bamukalubinje. Bantu baanji ba mundabala iyo bakalinga amukalubinje uyo.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Milimo ya Batumwi 6:1

Munshiku isho bashomi bakalinga kuya cifula. Paceebo ceeco baJuda baamba ciGiliki, bakalinga kutongooka ayi baJuda baamba ciJuda, tebakalinga kwaabanya kabotu maali akuula shiyandika lyoonse, kubanakashi bamukalubinje ba mushobo wabo.

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Milimo ya Batumwi 9:41

Pita wakamucata palyaansa akumucafwa ayi eemikane. Lyalo wakeeta bashomi, kubikaawo abamukalubinje banakashi akupa Tabita kuli mbabo kaali muumi.

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:14

Mukasekelele pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu.

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’

1 Bene Tesalonika 2:6

Tatukwe kuyanda ayi muntu uli woonse atulumbaishe, mwebo nabi bamwi.

1 Timoti 5:2

bamacembele banakashi anga mbanyoko alimwi abamyooye anga mbanankashi shako, cakubula lunkumbwa kuli mbabo.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

1 Pita 2:17

Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.

1 Pita 3:7

Amwebo nobasankwa mulyeelete kwikala calushibo lwa pacikwati abamakaanu. Amubalemeke mukwiinga banakashi mbantu batacite nkusu shiinji alimwi mulaakutambula cipo ca buumi butamaani pantu pomwi ambabo, ico Lesa ncaapa muluse lwakwe. Kamucita boobo kwaamba ayi Lesa anookumbula mipailo yanu.