1 Timoti 4:4 - Baibo Busansulushi Bwa Libuku Ili

⁴ Mukwiinga shintu shoonse Lesa nshaakalenga nshibotu. Tasheelete kukakwa, sombi shoonse shilyeelete kutambulwa amupailo wakulumba Lesa,

1 Timoti 4:4 ပူးပေါင်းရင်းမြစ်များ

Matalikilo 1:31

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Milimo ya Batumwi 10:15

Liswi lilya lyakanyumfwika alimwi ayi, “Utanokwaamba ayi taceelete kulikwa cintu coonse Lesa ncaamba ayi cilalikwa.”

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Milimo ya Batumwi 21:25

Ono balo baswamashi bakunsengwe bashoma, twakabalembela nkalata yakubeshibisha mbotwakasuminishanya. Twakasuminishanya ayi tabeelete kulya shakulya shakapekwa kushibumbwabumbwa, nabi kulya bulowa, banyama bakashinwa alimwi akutacita cikololo.”

Bene Loma 14:14

Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.

Bene Loma 14:20

Ceebo cakwaamba ayi ulakonsha kulya shakulya shipusenepusene, utanyonyooli milimo yakwe Lesa. Shakulya shoonse inga shalikwa, sombi ncibiibi kulya cintu cilengesha mwine Klistu umwi kubisha.

Bene Loma 14:6

Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.

1 Bene Kolinto 10:23

Bamwi balaamba ayi, “Shintu shoonse shilasuminishikwa.” Sombi teshi kwaamba ayi shintu shoonse nshibotu. “Shintu shoonse shilasuminishikwa,” sombi teshi shoonse shicafwa.

1 Bene Kolinto 10:25

Mulyaangulukite kulya nyama ili yoonse yuulishikwa mumishika ya nyama cakuteepusha, mukucana kwaamba ayi moyo ulamupensha.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Bene Kolinto 10:30

Na nebo ndalumba Lesa pacakulya, muntu umwi inga wantongooka buyani pacakulya ico nceenga ndalumbilaawo Lesa?”

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.