1 Samwelo 9:6 - Baibo Busansulushi Bwa Libuku Ili

⁶ Musebenshi wakakumbula ayi, “Taanguna! Mundabala iyi muli muntu wakwe Lesa uyo ulemekwa abuumbi ceebo shoonse nshaamba shilacitika kweelana abwaamba. Atushikeeko mpashi inga watulwiita nkweenga twashicana mbongolo.”

1 Samwelo 9:6 ပူးပေါင်းရင်းမြစ်များ

Matalikilo 24:42

“Sunu ndindashika pamukalo, ndapaila ayi, ‘NoBaami baLesa, baLesa ba baami bangu baAbulaamu, amunengeshe kukonsha kucita ncendeendela.

2 Samwelo 15:27

Mpomunyaawo wakaambila Sadoki mupailishi alimwi ayi, “Boolela kundabala inene muluumuno pantu pomwi aAyimaasi mwanaako musankwa alimwi aJonasani mwanaakwe Abyata. Mwebo nobilo aAbyata kamuya abana banu basankwa bobilo abo.

1 Baami 13:1

Ono Mwaami Lesa wakatuma mulaluki kuswa kucishi ca Juda kuya kuBetelo. Wakashika ciindi Jeloboamu ndyaakeemikana kucipaililo kwaamba ayi abenge mulambu uyo.

2 Baami 5:8

Elisha ndyaakanyumfwa shakacitika, wakatuma nkombe kumwaami wa cishi cakwe ayi, “Ino nciinshi camulengesha kukwamoona shakufwala shanu? Muntu uyo amumutume kuli ndime kwaamba ayi eshibe ayi mucishi ca Isilaeli muli mulaluki!”

2 Baami 6:6

Lyalo Elisha wakeepusha ayi, “Kalokela kuli?” Musankwa uyo wakamubonesha musena ngokakalokelaawo. Mpeeke Elisha watyola kasamu, wakawaala pamaanshi akulengesha keembe kuseela.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

1 Bene Tesalonika 5:13

Amubatondeshe bulemu buunji alusuno ceebo ca mulimo wabo. Amwikale muluumuno lyoonse.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

1 Samwelo 2:27

Mulaluki wakaya kuli Eli mukumwaambila makani akaamba Mwaami Lesa ayi, “Aloni mushali wanu mukulukulu ndyaakalinga muIjipiti mubusha kumwaami Falawo abamuŋanda yakwe, ndakaliyubulula kuli nguwe.

1 Samwelo 9:8

Musebenshi wakakumbula ayi, “Ndicite lyaali lya silifa liniini. Inga ndamupa ndilyo kwaamba ayi atulwiite nkweenga twacana mbongolo shesu.”