1 Samwelo 9:5 - Baibo Busansulushi Bwa Libuku Ili

⁵ Ndibakashika mucishi ca Sufu, Saulo wakaambila musebenshi wakwe ayi, “Atuboolele kumushi mukwiinga bata batootalika kulisukama pali ndiswe kuleka mbongolo.”

1 Samwelo 9:5 ပူးပေါင်းရင်းမြစ်များ

Mateyo 6:25

“Paceebo ceeco, ntoomwaambila ayi mutalisukami mubuumi bwanu, ayi na ndaakulyanshi nabi kunwa nabi ayi nkafwalenshi? Sa buumi tabuyandiki kwiinda cakulya, awalo mubili sa tauyandiki kwiinda shakufwala?

Mateyo 6:28

“Ino mulalisukamanshi pashakufwala? Amuyeeye maluba amuluundu mbwaakula. Taasebensi nabi kutunga shakufwala.

Mateyo 6:34

Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.

Luka 12:11

“Baakumucata ayi bakamoomboloshe mushoonde sha baJuda, kubeendeleshi nabi kubaleli, mutakalisukami ayi mutooliimikanina buyani mukwaamba nabi nceshi mukaambe.

Luka 12:22

Kuswawaawo Jesu wakaambila bashikwiiya bakwe ayi, “Paceebo ceeco ntoomwaambila ayi mutalisukami pabuumi bwanu ayi na ndaakulyanshi nabi mubili wanu ayi nkafwalenshi.

1 Samwelo 1:1

Kwakalinga musankwa wa mumukowa wakwe Efuleemu wakalinga kwiitwa ayi Elikana. Wakalinga kwikala mundabala ya Lama, mucishi ca tulundu ca Efuleemu. Elikana wakalinga mwanaakwe Jeloamu alimwi mwishikulu wakwe Eliyu mwanaakwe Towu mucipani cakwe Sufu.

1 Samwelo 10:2

Waswa kokuno sunu, utookumanya basankwa bobilo pafwaafwi acuumbwe cakwe Lakelo kuSelusa mucishi cakwe Benjameni. Basankwa abo batookulwiita ayi mbongolo nshemwakalinga kulangoola shacanika. Aboobo baiso bacileka kulisukama pambongolo, sombi balilisukemebo pali ndiwe. Balicitekobo kuliipusha ayi, ‘Anu ntoocita buyani pamwanaangu.’