1 Samwelo 9:1 - Baibo Busansulushi Bwa Libuku Ili

¹ Ono kwakalinga musankwa mubile alimwi wakalinga kulemekwa abuumbi uyo wakalinga kwiitwa ayi Kishi wa mumukowa wakwe Benjameni. Wakalinga mwanaakwe Abiyelo alimwi mwishikulu wakwe Seloli. Kishi wakalinga womwi wa bamuŋanda yakwe Bekolati, wa mucipani cakwe Afiya.

1 Samwelo 9:1 ပူးပေါင်းရင်းမြစ်များ

2 Samwelo 19:32

Basilayi wakalinga wacembela abuumbi, kaacite myaaka ili 80. Ono wakalinga kubilite abuumbi alimwi ngowakalinga kupa shakulya mwaami Defedi ndyaakalinga kwikala kuMaanaimu.

Esita 2:5

Ono mundabala inene ya Susa mwakalinga kwikala muJuda wa mumukowa wakwe Benjameni uyo wakalinga kwiitwa ayi Modekayi mwanaakwe Jeya. Jeya wakalinga mwanaakwe Shimeyi uyo wakalinga mwanaakwe Kishi.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Milimo ya Batumwi 13:21

Ono bantu ndibakasenga mwaami, Lesa wakabasalila Saulo mwanaakwe Kishi, wa mumukowa wakwe Benjameni. Wakabalela myaaka ili makumi one.

1 Samwelo 10:23

Aboobo bakacica baya bamuyubulula akumuleta kubantu, alimwi boonse bakabona ayi wakalinga kubeenditeewo kulaampa amutwibo.

1 Samwelo 14:51

Kishi baishi Saulo alimwi aNa baishi Abina boonse bobilo bakalinga bana bakwe Abiyelo.

1 Samwelo 25:2

Ono muMaoni uko, mwakalinga musankwa wakalinga kucite bukwebo mundabala ya Kamelo. Musankwa uyo wakalinga kubilite abuumbi. Wakalinga kucite mpongo shili cuulu alimwi ambelele shili shuulu shotatwe isho nshaakalinga kucesesha booya muKamelo.