1 Samwelo 8:7 - Baibo Busansulushi Bwa Libuku Ili

⁷ Mwaami Lesa wakaamba ayi, “Nyumfwila shoonse bantu nsheenga baamba kuli ndiwe. Tabatookaka ndiwe, sombi nebo. Ndime bakaka kunoocili mwaami wabo.

1 Samwelo 8:7 ပူးပေါင်းရင်းမြစ်များ

Kulonga 16:8

Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 34:14

lyoonse mumwaaka wasanu ayobilo balyeelete kwaangulula basha boonse bene Ebulu abo babasebensela myaaka yosanwe awomwi. Sombi balo bamashali banu bakulukulu tabakwe kunyumfwila nabi kubikako maano kusheesho nshendakaamba.

Esekelo 2:3

Wakaamba ayi, “Webo omuntu, ntookutuma kubene Isilaeli, mushobo waashu uyo wakangashukila. Balo alimwi abamashali babo bakulukulu bakangashukila kushikila asunu.

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Shakubelenga 22:20

Pabushiku ubo mashiku, Lesa wakesa kuli Balaamu akumwaambila ayi, “Na basankwa aba besa mukukwiita, libambile uyaabo, sombi ucitebo ceenka nceshi nkulwiite.”

Mateyo 10:40

“Uyo woonse utambula ndimwe, ulatambula ndime alimwi uyo utambula ndime, ulatambula baTa abo bakantuma.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 19:14

Ono mbaakalinga kwikalaabo mucishi umo tebakalinga kusuni kwaamba ayi abe mwaami. Aboobo bakatuma nkombe pesule ayi, ‘Swebo tatusuni kwaamba ayi uyo muntu abe mwaami wesu.’

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Joni 13:16

Ntoomulwiita calushinisho ayi, taaku musebenshi wiinda mwaami wakwe alimwi taaku mutumwi wiinda wooyo wakamutuma.

Boomboloshi 8:23

Alakwe Gidyoni wakabakumbula ayi, “Nshikoonshi kumulela, nebo nabi mwanaangu. Mwaami Lesa mwiine ngweshi akamuleele.”

1 Samwelo 10:19

Ndime Lesa wanu, uyo eenka umufuna kuswa kumapensho amakatasho anu. Ono sunu mwankaaka akusenga ayi mupe mwaami. Ncibotu, amubungane pameenso angu neMwaami Lesa mumukowa amukowa, cipani acipani.’ ”

1 Samwelo 12:1

Lyalo Samwelo wakaambila bene Isilaeli ayi, “Ndaciita kweelana ambomwakansenga ayi ncite. Ndamupa mwaami eshi anoomulela,

1 Samwelo 12:12

Sombi ndimwakabona ayi Naashi mwaami wa bene Amoni utooyanda kumulwana, mwakakaka Mwaami Lesa kuba mwaami wanu, akuŋambila ayi, ‘Tulisunibo mwaami kwaamba ayi atuleele.’

1 Samwelo 8:22

Mwaami wakakumbula ayi, “Cita ncebasuni akubapa mwaami.” Mpeeke Samwelo wakalwiita bamaloba ba bene Isilaeli ayi baboolele kumaandaabo.

1 Samwelo 8:8

Kuswabo ndindakabakusha muIjipiti bantu aba lyoonse mbeshikunkaka akunootalika kulambila balesa bamwi. Ono mbulya kuli ndiwe batoocita shikani sheenka nshebashibite kucita kuli ndime.