1 Samwelo 7:9 - Baibo Busansulushi Bwa Libuku Ili

⁹ Samwelo wakacaya mwanaambelele akumutenta kaalibo wakabumbulu ayi ngumulambu kuMwaami Lesa. Lyalo wakapaila kuMwaami Lesa ayi acafwe bene Isilaeli. Mpeeke Mwaami Lesa wakakumbula kupaila kwabo.

1 Samwelo 7:9 ပူးပေါင်းရင်းမြစ်များ

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Bene Lefi 22:27

“Na moombe, mwanaambelele nabi mwanaampongo washalwa, ulyeelete kunooli anyina kwanshiku shosanwe ashobilo. Sombi kuswa pabushiku bwasanu ashotatwe, ulatambulwa ayi ngumulambu wa cakulya.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

Boomboloshi 6:26

Wamana kucita boobo, unjakile cipaililo cibotu, nebo neMwaami Lesa, Lesa wako, peculu lya ceeci nceshi umwaye. Pesule ndyeshi ubwese mucende uyo akumutenta wakabumbulu ayi ngumulambu wakutenta. Cikoshanyo cakwe Ashela nceshi utimboole cibe nshenkuni.”

Boomboloshi 6:28

Ono bantu bamundabala ndibakabuka macuunsa, bakacana cipaililo cakwe Baali, lesa wabo camwaikwa, cikoshanyo cakwe Ashela catimboolwa, alimwi mucende watentelwa pacipaililo ico cakayakwa.

1 Samwelo 10:8

Utootanjila kuya kuGilugala uko nkweshi nkakucaane akubenga milambu yakutenta aya bwanabwankashi. Ukanindile uko kwanshiku shili shosanwe ashobilo kushikila nkese mukukulwiita ncooelete kucita.”

1 Samwelo 12:17

Sa te nciindi cakutebula witi bulya? Ntoopaila kuMwaami Lesa ayi atume cilulumo amfuula. Lyalo mutooshiba ayi mwakacita cilubo cinene pameenso a Mwaami Lesa ndimwakasenga ayi amupe mwaami.”

1 Samwelo 16:2

Sombi Samwelo wakaamba ayi, “Nshikoonshi kuya mukwiinga Saulo cikani ico utoocinyumfwa lyalo utooncaya.” Mwaami Lesa wakaamba ayi, “Nyamunina akapwishi uye waambe ayi, ‘Ndesa mukubenga mulambu kuMwaami Lesa.’

1 Samwelo 2:35

Ndaakusala mupailishi weshi akanooshomeka akucita shoonse nsheensuni ayi acite. Ndaakumupa bamulunyungu lwakwe abo beshi bakanoosebensabo pameenso a mwaami ngweshi nkasaale.

1 Samwelo 7:17

Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.

1 Samwelo 9:12

Banakashi balya bakakumbula ayi, “Ee, nkwaali alimwi ulibo panembo lyanu. Na mweendeshe mutoomucana washika sunu mundabala ceebo bantu batooyanda kubenga mulambu pakalundu pacipaililo.