1 Samwelo 7:17 - Baibo Busansulushi Bwa Libuku Ili

¹⁷ Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.

1 Samwelo 7:17 ပူးပေါင်းရင်းမြစ်များ

Matalikilo 33:20

Wakayakaawo cipaililo akucitumba ayi Eli, liina lyakwe Lesa wa bene Isilaeli.

Matalikilo 35:7

Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.

Isaya 10:29

Beenda kale pamwinjililo uli pakati ka tulundu tobilo akwaamba ayi baye bakoonene kuGeba! Bantu ba mundabala ya Lama baloonda abuumbi. Balo ba muGibiya, ndabala ya mwaami Saulo, bacica.

Boomboloshi 4:5

Debola wakalinga koomboloshesha munshaakapukupuku ka Debola pakati ka ndabala ya Lama aya Betelo mucishi ca tulundu ca Efuleemu. Bene Isilaeli nkobakalinga kuya uko mukupingulwa.

Boomboloshi 6:24

Mpomunyaawo Gidyoni wakayaka cipaililo ca Mwaami Lesa pa musena uyu, akucitumba ayi, “Mwaami Lesa ngwa luumuno.” Asunu nkocili kuOfula ndabala ya bamucipani cakwe mumukowa wa bene Abiyesa.

1 Samwelo 1:1

Kwakalinga musankwa wa mumukowa wakwe Efuleemu wakalinga kwiitwa ayi Elikana. Wakalinga kwikala mundabala ya Lama, mucishi ca tulundu ca Efuleemu. Elikana wakalinga mwanaakwe Jeloamu alimwi mwishikulu wakwe Eliyu mwanaakwe Towu mucipani cakwe Sufu.

1 Samwelo 1:19

Macuunsacuunsa bushiku bwakaboolaawo, Elikana abamuŋanda yakwe bakabuka. Lyalo ndibakamana kulambila Mwaami Lesa, bakaboolela kuLama. Elikana wakakumana aAana mukaakwe. Mpeeke Mwaami Lesa wakakumbula mupailo wakwe Aana.

1 Samwelo 11:15

Aboobo boonse bakaya kuGilugala. Mpeeke kulya bakaambilisha alimwi kunembo lya Mwaami Lesa ayi Saulo ngomwaami. Bakabenga milambu ya bwanabwankashi. Lyalo Saulo pantu pomwi abantu boonse bene Isilaeli bakasekelela bushiku ubo.

1 Samwelo 14:35

Mpomunyaawo Saulo wakayakila Mwaami Lesa cipaililo ico cakaba citaanshi kuyaka mubuumi bwakwe.

1 Samwelo 15:34

Lyalo Samwelo wakanyamuka kuya kuLama, sombi Saulo wakaya kuŋanda yakwe muGibiya.

1 Samwelo 2:11

Lyalo Elikana wakaboolela kuLama kumishaabo. Sombi Samwelo musankwa mwanike wakacaala kuShilo, kaasebensela Mwaami Lesa mubutanjilili bwakwe Eli mupailishi.

1 Samwelo 28:3

Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.

1 Samwelo 8:4

Mpeeke bamaloba ba bene Isilaeli bakabungana, baya kuli Samwelo muLama

1 Samwelo 9:12

Banakashi balya bakakumbula ayi, “Ee, nkwaali alimwi ulibo panembo lyanu. Na mweendeshe mutoomucana washika sunu mundabala ceebo bantu batooyanda kubenga mulambu pakalundu pacipaililo.