1 Samwelo 6:3 - Baibo Busansulushi Bwa Libuku Ili

³ Bakakumbula ayi, “Na mutooyanda kuboosha Libokoshi lya Cipangano ca Mwaami Lesa, Lesa wa bene Isilaeli, mutumye acipo cakumana mulandu wanu uyu kuli nguwe. Libokoshi lya Cipangano talyeelete kuyabo kwakubula cipo. Na mukatumye cipo mulaakuba kabotu alimwi mulaakwishiba ncaalinga kunoomutondeshesha bukali.”

1 Samwelo 6:3 ပူးပေါင်းရင်းမြစ်များ

Jobo 10:2

NobaLesa mutampi mulandu, sobwe. Sombi amundwiite ncendamubishisha.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Kulonga 34:20

Sombi mulyeelete kulubula mwanaambongolo wakwiiya kwiinda mukubengelawo mwanaambelele pamusena wa njiyo. Na mwabula kumulubula, mulyeelete kumutyola nshingo. Bana banu basankwa bakwiiya boonse mukanoobalubula. “Taaku muntu weelete kwisa kuli ndime kaatacite mulambu.

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 6:6

Ulyeelete kuleta mbelele isankwa itacite kampenda kali koonse kumupailishi ayi ngumulambu wakumana mulandu kuli ndime neMwaami Lesa. Bubotu bwa njiyo bulyeelete kwishibwa kweelana acipimo cakasuminishikwa.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

1 Samwelo 5:11

Mpeeke alimwi bakatuma bantu kwiita bamaami ba bene Filisiti boonse. Lyalo bakaamba ayi, “Amupilushe Libokoshi lya Cipangano lya bene Isilaeli kumusena wa ndilyo kwaamba ayi litacaayi abamumaandeesu.” Mwakalinga kunyonyongana mundabala ceebo Lesa wakalinga kubatondesha bukali cakubula nkumbu.

1 Samwelo 5:7

Ndibakabona cakalinga kucitika bakaamba ayi, “NguLesa wa bene Isilaeli utootupa mulandu pantu pomwi alesa wesu Dagoni. Tatukoonshi kuleka Libokoshi lya Cipangano kunoocili momuno.”

1 Samwelo 5:9

Ono ndilyakashika uko, Mwaami Lesa abalo wakabatondesha bukali cakwaamba ayi bakalisukama abuumbi. Wakabatumina shuute isho shakakumanabo bantu boonse, banike abanene mushobo womwi.

1 Samwelo 6:8

Lyalo mubwese Libokoshi lya Cipangano ca Mwaami Lesa mulibike mucikoci. Kweela kwa ndilyo mubikeeko libokoshi lya sheesho sha golodi nsheshi mupange akutumya kuli nguwe ayi ncipo cakumana mulandu wanu. Mushilulike munshila ŋombe isho mpeeke mushileeke shinooya sheenka.

1 Samwelo 6:9

Lyalo munoosheebelabo akubona nkweshi shiye. Na shilulame kundabala ya Beti Shemeshi, citoosansulula ayi nguLesa wa bene Isilaeli walengesha mapensho a mushobo uyu kucitika pakati kesu. Ono na cibule kuba boobo, tutooshiba ayi teshi ngowakatuma mwaalu, ingayi wakababo wiine.”