1 Samwelo 5:9 - Baibo Busansulushi Bwa Libuku Ili

⁹ Ono ndilyakashika uko, Mwaami Lesa abalo wakabatondesha bukali cakwaamba ayi bakalisukama abuumbi. Wakabatumina shuute isho shakakumanabo bantu boonse, banike abanene mushobo womwi.

1 Samwelo 5:9 ပူးပေါင်းရင်းမြစ်များ

Kulumbaisha 78:66

Wakatandaanya balwani bakwe. Wakabalensha nsoni shitamaani.

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.

Dutolonomi 2:15

Mwaami Lesa wakatolelela kubalwana kushikila wabanyonyoola boonse.

1 Samwelo 12:15

Ono na mukabule kunookutika Mwaami Lesa, alimwi akutakonkela milawo yakwe, ulaakuba mulwani wanu bweenka mbwaakaba mulwani wa bamashali banu bakulukulu.

1 Samwelo 5:10

Mpomunyaawo Libokoshi lya Cipangano ilyo bakalitumya kuEkiloni, ndabala imwi inene ya bene Filisiti. Sombi ndilyakashika uko, bantu bakoolobesha ayi, “Libokoshi lya Cipangano ca Mwaami Lesa, Lesa wa bene Isilaeli balileta kokuno kwaamba ayi batucaaye soonse!”

1 Samwelo 5:11

Mpeeke alimwi bakatuma bantu kwiita bamaami ba bene Filisiti boonse. Lyalo bakaamba ayi, “Amupilushe Libokoshi lya Cipangano lya bene Isilaeli kumusena wa ndilyo kwaamba ayi litacaayi abamumaandeesu.” Mwakalinga kunyonyongana mundabala ceebo Lesa wakalinga kubatondesha bukali cakubula nkumbu.

1 Samwelo 5:6

Kuswawaawo Mwaami Lesa wakatondesha bantu bene Ashidodi bukali akubaloondesha. Wakabatondesha bukali pantu pomwi abaabo bakalinga mushishi shakalinga kushingulukite kwiinda mukubapa shuute.

1 Samwelo 6:11

Bakabika Libokoshi lya Cipangano ca Mwaami Lesa mucikoci pantu pomwi alibokoshi lya sha golodi shili anga mbakoswe alimwi ashili anga nshuute

1 Samwelo 7:13

Ubo bene Filisiti mbobakakomwa. Mwaami Lesa wakalengesha bene Filisiti kutakonsha kulwana bene Isilaeli kwaciindi coonse Samwelo ndyaakalinga muumi.