1 Samwelo 5:8 - Baibo Busansulushi Bwa Libuku Ili

⁸ Mpeeke bakatuma beshinkombe kuya mukwiita bamaami ba bene Filisiti boonse. Lyalo bakabeepusha ayi, “Tutoocita buyani aLibokoshi lya Cipangano ca Mwaami Lesa, Lesa wa bene Isilaeli?” Balo bakakumbula ayi, “Amulitole kuGati.” Mpeeke bakalitola kuGati, ndabala imwi inene ya bene Filisiti.

1 Samwelo 5:8 ပူးပေါင်းရင်းမြစ်များ

1 Makani 7:21

Taati wakashala Sabadi, Sabadi wakashala Shutela. Efuleemu wakashala baana bamwi bobilo, Esa alimwi aElyadi. Abo bobilo bakacaikwa ndibakalinga kusuni kwiipa shifubwa shakalinga sha bene Gati bamwi.

Amosi 6:2

Kamuya kundabala ya Kalune mukeeboone. Kuswa kooko, muye kundabala inene ya Amati. Lyalo muye kundabala ya Gati mucishi ca Filisiti. Sa bulelo bwanu buleenda kubotu pamalelo abo? Sa cishi cabo cakalinga cinene kwiinda cishi canu?

Sekaliya 12:3

Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 15:11

Kuswa kooko nyinsa yakaya kunkunamo ya Ekiloni, kupetukila kuShikeloni akulanga kuKalundu ka Baala alimwi akucinka kuJabunilu. Anu nyinsa yakaya mukweela kuLweenge lwa Mediteleniyani.

1 Samwelo 17:4

Mpomunyaawo kumisumba ya bene Filisiti kwakaswa musankwa ndundwa minkulwa wakalinga kwiitwa ayi Golyati wa kundabala ya Gati. Wakalinga kulaampa mamita mpashi otatwe.

1 Samwelo 17:52

Mpomunyaawo bashilumamba bene Isilaeli bakawuumukila bene Filisiti muciyobeyobe cinene akubatandaanya kushikila akumwinjililo wa ndabala ya Gati alimwi akuminjililo ya ndabala ya Ekiloni. Abo bakalinga kuyaswa bakalinga kuya cicaalabo muya nshila ya kuShalaimu kuya mukushikabo akuGati alimwi akuEkiloni.

1 Samwelo 29:6

Mpomunyaawo Akishi wakeeta Defedi akumwaambila ayi, “Bweenka mbocibete lushinisho ayi Mwaami Lesa ngumuumi, webo ulashomeka. Nebo taaku bubi mboonkubwenene kuswa bushiku mbowakesa mulubansa lwangu kushikila asunu, sombi bamatanjilili bamwi tabasangalete kuya awebo kunkondo.

1 Samwelo 5:11

Mpeeke alimwi bakatuma bantu kwiita bamaami ba bene Filisiti boonse. Lyalo bakaamba ayi, “Amupilushe Libokoshi lya Cipangano lya bene Isilaeli kumusena wa ndilyo kwaamba ayi litacaayi abamumaandeesu.” Mwakalinga kunyonyongana mundabala ceebo Lesa wakalinga kubatondesha bukali cakubula nkumbu.

1 Samwelo 5:7

Ndibakabona cakalinga kucitika bakaamba ayi, “NguLesa wa bene Isilaeli utootupa mulandu pantu pomwi alesa wesu Dagoni. Tatukoonshi kuleka Libokoshi lya Cipangano kunoocili momuno.”

1 Samwelo 6:2

bantu bakeeta bapailishi abamukamwaami akubeepusha ayi, “Ino tutoocita buyani aLibokoshi lya Cipangano ca Mwaami Lesa? Ino na twaamba ayi tulituumye nkolyakaswa, nciinshi nceenga twatumisha andilyo?”