1 Samwelo 5:10 - Baibo Busansulushi Bwa Libuku Ili

¹⁰ Mpomunyaawo Libokoshi lya Cipangano ilyo bakalitumya kuEkiloni, ndabala imwi inene ya bene Filisiti. Sombi ndilyakashika uko, bantu bakoolobesha ayi, “Libokoshi lya Cipangano ca Mwaami Lesa, Lesa wa bene Isilaeli balileta kokuno kwaamba ayi batucaaye soonse!”

1 Samwelo 5:10 ပူးပေါင်းရင်းမြစ်များ

2 Samwelo 7:9

Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

2 Baami 1:2

Mwaami Aasiya wakaloka pambwelyo ya cipinda ca peculu ca ŋanda yakwe muSamaliya akulicisa abuumbi. Lyalo wakatuma beshinkombe kuya mukwiipusha Baali Sebubu lesa wa kuEkiloni ndabala inene ya bene Filisiti ayi na ulaakuba kabotu.

1 Makani 7:21

Taati wakashala Sabadi, Sabadi wakashala Shutela. Efuleemu wakashala baana bamwi bobilo, Esa alimwi aElyadi. Abo bobilo bakacaikwa ndibakalinga kusuni kwiipa shifubwa shakalinga sha bene Gati bamwi.

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Amosi 6:2

Kamuya kundabala ya Kalune mukeeboone. Kuswa kooko, muye kundabala inene ya Amati. Lyalo muye kundabala ya Gati mucishi ca Filisiti. Sa bulelo bwanu buleenda kubotu pamalelo abo? Sa cishi cabo cakalinga cinene kwiinda cishi canu?

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 15:11

Kuswa kooko nyinsa yakaya kunkunamo ya Ekiloni, kupetukila kuShikeloni akulanga kuKalundu ka Baala alimwi akucinka kuJabunilu. Anu nyinsa yakaya mukweela kuLweenge lwa Mediteleniyani.

Joshuwa 15:45

Mwakalinga aEkiloni pantu pomwi amishi ya njiyo.

Boomboloshi 1:18

Sombi tabakwe kukoma ndabala inene ya Gasa amisena yakalinga kwiishingulukite, ya Ashikeloni amisena ya nguwo aya Ekiloni amisena ya nguwo.

1 Samwelo 17:52

Mpomunyaawo bashilumamba bene Isilaeli bakawuumukila bene Filisiti muciyobeyobe cinene akubatandaanya kushikila akumwinjililo wa ndabala ya Gati alimwi akuminjililo ya ndabala ya Ekiloni. Abo bakalinga kuyaswa bakalinga kuya cicaalabo muya nshila ya kuShalaimu kuya mukushikabo akuGati alimwi akuEkiloni.

1 Samwelo 5:11

Mpeeke alimwi bakatuma bantu kwiita bamaami ba bene Filisiti boonse. Lyalo bakaamba ayi, “Amupilushe Libokoshi lya Cipangano lya bene Isilaeli kumusena wa ndilyo kwaamba ayi litacaayi abamumaandeesu.” Mwakalinga kunyonyongana mundabala ceebo Lesa wakalinga kubatondesha bukali cakubula nkumbu.

1 Samwelo 5:9

Ono ndilyakashika uko, Mwaami Lesa abalo wakabatondesha bukali cakwaamba ayi bakalisukama abuumbi. Wakabatumina shuute isho shakakumanabo bantu boonse, banike abanene mushobo womwi.

1 Samwelo 6:1

Mpeeke Libokoshi lya Cipangano ca Mwaami Lesa ndilyakekala myeenshi yosanwe ayobilo mucishi ca Filisitiya,