1 Samwelo 4:3 - Baibo Busansulushi Bwa Libuku Ili

³ Bene Isilaeli bakapuluka ndibakaboola pamisumba yabo bamaloba bakaamba ayi, “Ceebonshi Mwaami Lesa wasuminisha bene Filisiti kutukoma? Tiya tukalete Libokoshi lya Cipangano ca Mwaami Lesa kuswa kuShilo kwaamba ayi tuye akwe akatupulushe kubalwani besu.”

1 Samwelo 4:3 ပူးပေါင်းရင်းမြစ်များ

2 Samwelo 15:25

Kuswawaawo mwaami Defedi wakaambila Sadoki ayi, “Amubooshe Libokoshi lya Cipangano ca Mwaami Lesa kundabala inene ya Jelusalemu. Na Mwaami Lesa akanyumfwile nkumbu ulaakumboosha ayi nkaliboone alimwi, pantu pomwi amusena uyo molikala.

1 Makani 17:1

Ono Defedi wakakalikana muŋanda yakwe ya bwaami. Bumwi bushiku wakeeta Natani mulaluki akumwaambila ayi, “Nebo bona ntookala muŋanda ya bwaami yakayakwa kabotu ashisamu sha sida. Sombi Libokoshi lya Cipangano lilishiitebo mutente.”

Kulumbaisha 74:1

Mwebo nobaLesa, nciinshi ncemwatufutatilila kwaciindi cilaamfu bobulya? Ino nciinshi ncemwakalalila bantu banu kwalyoonse alyoonse?

Kulumbaisha 74:11

Nciinshi ncemwakakila kutucafwa alyaansa lyanu lyalulyo? Amufungulule lyaansa lyanu akubanyonyoola?

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Isaya 59:1

Mutayeeyi kwaamba ayi Mwaami Lesa taacite nkusu shakumupulusha, alimwi ayi matwi akwe alishinkite, inga taanyumfwi, sobwe.

Isaya 59:2

Sombi shilubo shanu nsheshamupansaanya aLesa wanu. Shibiibi shanu nsheshalengesha Lesa kutanookutika kusenga kwanu.

Jelemiya 3:16

Mwaakufuula mucishi cilya, bantu teshi bakanokwaambawo paLibokoshi lya Cipangano, sobwe. Teshi bakaliyeeyewo nabi kulyaanukaawo. Teshi bakalisunewo nabi kuyeeya kupanga limwi, sobwe.

Jelemiya 7:4

Mutanooshoma mumaswi abubeshi akwaamba ayi shoonse shilibo kabotu akunokwaamba ayi, ‘Ino niŊanda ya Mwaami Lesa, niŊanda ya Mwaami Lesa, niŊanda ya Mwaami Lesa!’

Shakubelenga 10:33

Ono bantu ndibakaswa kuSinayi, kalundu kasalalite, bakeenda nshiku shotatwe. Libokoshi lya Cipangano lya Mwaami Lesa lyoonse lyakalinga kunembo lyabo kuya cibayandweeta musena wakuyakilaawo.

Shakubelenga 10:35

Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”

Shakubelenga 31:6

Anu Mose wakabatuma kunkondo kwiinda mubutanjilili bwakwe Fineyasi mwanaakwe Eliyasa mupailishi, uyo wakalinga kulanga pashintu sha kumusena usalalite alimwi amapeenga akubacenjesheshaako.

Dutolonomi 29:24

Lyalo bantu ba mucishi coonse ca panshi balaakwiipusha ayi, ‘Nciinshi Mwaami Lesa ncaakacitila bobulya cishi cabo? Nciinshi ncaakalalila bobulya?’

Dutolonomi 31:26

“Amubwese Libuku lya Milawo ili akulibika lubamba aLibokoshi lya Cipangano ca Mwaami Lesa, Lesa wanu. Uko, lilaakunooli bukamboni bwakushinina bantu bakwe boonse.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”

Joshuwa 6:6

Mpomunyaawo Joshuwa mwanaakwe Nani wakeeta bapailishi akubaambila ayi, “Amunyamune Libokoshi lya Cipangano, ono bamwi bali bosanwe abobilo baye kunembo lya ndilyo womwi awomwi kaacite lupeenga.”

Joshuwa 7:7

Kuswawaawo Joshuwa wakaamba ayi, “NoBaami baLesa beshinkusu shoonse! Nciinshi ncemwakatusubushisha Mulonga wa Joodani? Ceebonshi mwatwaaba mumaansa a bene Amoli ayi batunyonyoole? Naakwiinga mwakatulekabo katushiite kwitala lya Joodani!

Joshuwa 7:8

NoBaami baLesa, nciinshi nceenga ndaamba paciindi cino bene Isilaeli ndibakomwa akucica balwani babo?

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

Judi 1:5

Ono ndisuni kumwiibalusha makani amwi, nakubi kwaamba ayi mulyeeshi kale. Mwaami wakafuna bene Isilaeli kuswa muIjipiti, sombi kunembo wakanyonyoola baabo boonse batakwe kumushoma.

1 Samwelo 1:24

Lyalo ndyaakamulesha, wakamutola kuShilo. Wakatolelela amucende wa myaaka yotatwe, makilogilamu ali 10 a fulaulo, alimwi ankomwe ya cipaya keeswite waini. Wakatola Samwelo kuŊanda yakwe Lesa muShilo kaacili mwanike abuumbi.

1 Samwelo 14:18

Mpeeke Saulo wakaambila Aija mupailishi ayi, “Amulete efodi kuno.” Pabushiku Aija wakalinga kwiifwete kunembo lya bene Isilaeli.

1 Samwelo 4:2

Bene Filisiti bakaya balwana bene Isilaeli. Lyalo kwakaba nkondo yabulowa iyo yakeela mukukomwa kwa bene Isilaeli akucaikwa kwa bashilumamba babo bali mpashi shuulu shili shone mumusena weenka wakulwaninaawo.