1 Samwelo 4:10 - Baibo Busansulushi Bwa Libuku Ili

¹⁰ Bene Filisiti bakalwana cankusu akukoma bene Isilaeli. Baya kumaandaabo kabaya cicica. Kwakafwa bashilumamba baanji abuumbi bashika kushuulu shili makumi one pabaabo bakalinga kulwanina panshi.

1 Samwelo 4:10 ပူးပေါင်းရင်းမြစ်များ

2 Samwelo 18:17

Kuswawaawo bakabwesa Abusalomu akumukulukisha mucilindi cilaamfu mumusaansa umo akupanga mulwi unene abuumbi wa mabwe pali nguwe. Paciindi ico bashilumamba bakwe Abusalomu bakacica akuya kumaandaabo.

2 Samwelo 18:7

Bashilumamba bakwe Abusalomu bakakomwa kubakwe Defedi nkomunya uko. Bushiku ubo bantu baanji bakacaikwa. Kwakafwa bali 20,000.

2 Samwelo 19:8

Mpomunyaawo mwaami wakanyamuka waya wekala kufwaafwi amwinjililo wa ndabala inene ilya. Mpeeke basankwa bakwe bakanyumfwa kwaamba ayi nkwaabete uko, lyalo boonse bakaya babungana kweenka uko. Paciindi ico bantu bakwe Abusalomu bakacica akuya umwi aumwi kuŋanda yakwe.

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

1 Baami 12:16

Bantu ndibakabona kwaamba ayi mwaami teshi abanyumfwile, bakoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli amuboolele kumaanda anu! Amuleke wamulunyungu lwakwe Defedi alibonene!” Munshila iyi bene Isilaeli bakakaka Leoboamu kuba mwaami wabo.

1 Baami 22:36

Lisuba ndilyakalinga kuya cipila, cakaambilishikwa kubashilumamba bene Isilaeli ayi, “Womwi awomwi aboolele kundabala yakwe mucishi cine mishaabo!”

2 Baami 14:12

Bashilumamba bakwe Amasiya bakakomwa alimwi boonse bakamana kucicila kumishaabo.

2 Makani 13:17

Abija abashilumamba bakwe bakacaya bashilumamba bene Isilaeli baanji, nkokwaamba ayi bakacaya bashilumamba bali 500,000 bacibwene kulwana.

2 Makani 25:22

Bashilumamba bene Juda bakakomwa alimwi boonse bakamana kucicila kumishaabo.

Kulumbaisha 78:9

Bene Efuleemu nabi bakalinga kupakete mata amifwi, bakacica kuboowa pabushiku bwa kulwana.

Jelemiya 7:12

“Ono kamuya kuShilo, musena uyo ngondakataanguna kusala ayi noolambililwaako akubona ncendakacita ceebo ca bubi bwa bantu bangu bene Isilaeli.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Dutolonomi 28:15

“Sombi na mukabule kunyumfwila Mwaami Lesa, Lesa wanu alimwi akutakonkela kabotu milawo amilasho yakwe yoonse iyo njentoomupa sunu, mashingo aya oonse alaakwisa pali ndimwe.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

1 Samwelo 3:11

Mpeeke Mwaami Lesa wakaambila Samwelo ayi, “Kutika ndi pafwaafwi kucita cintu cimwi ciyoosha kubantu bene Isilaeli cakwaamba ayi uyo woonse weshi akacinyuumfwe akakankamane.

1 Samwelo 4:2

Bene Filisiti bakaya balwana bene Isilaeli. Lyalo kwakaba nkondo yabulowa iyo yakeela mukukomwa kwa bene Isilaeli akucaikwa kwa bashilumamba babo bali mpashi shuulu shili shone mumusena weenka wakulwaninaawo.