1 Samwelo 3:7 - Baibo Busansulushi Bwa Libuku Ili

⁷ Ono mwanike taakwe kwishiba ayi nguMwaami Lesa, ceebo taakwe kunyumfwawo kale liswi lyakwe Lesa.

1 Samwelo 3:7 ပူးပေါင်းရင်းမြစ်များ

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Milimo ya Batumwi 19:2

akubeepusha ayi, “Sa mwakatambula Mushimu Usalashi ndimwakashoma?” Balo bakamukumbula ayi, “Tau, tatuna kunyumfwaawo ayi kuli aMushimu Usalashi.”

1 Bene Kolinto 13:11

Kaancili mwanike kwaamba akuyeeya koonse kwakalinga kwa bwanike. Ono ingayi nkule, nshila sha bwanike shoonse ndakashileka.

1 Samwelo 3:6

Mwaami Lesa wakeeta Samwelo alimwi. Lakwe wakabuka waya kuli Eli akwaamba ayi, “Ndime ngomwalinga kwiita, ndesa.” Sombi Eli wakakumbula ayi, “Omwanaangu nshikwe kukwiita, sobwe. Boolelabo ukoone.”

1 Samwelo 3:8

Mwaami wakeeta Samwelo lyatatu. Wakabuka waya kuli Eli akwaamba ayi, “Ndime ngomwalinga kwiita, ndesa.” Lyalo Eli wakeshiba ayi nguMwaami Lesa wakalinga kwiita mwanike uyo.