1 Samwelo 3:19 - Baibo Busansulushi Bwa Libuku Ili

¹⁹ Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.

1 Samwelo 3:19 ပူးပေါင်းရင်းမြစ်များ

Matalikilo 21:22

Paciindi ico Abimeleki wakaya aFiko, munene wa bashilumamba bakwe, akulwiita Abulaamu ayi, “Lesa uli amwebo mushintu shoonse nshemucita.

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Matalikilo 39:2

Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,

Matalikilo 39:3

uyo wakabona kwaamba ayi Mwaami Lesa wakalinga anguwe alimwi wakamulengesha ayi abe ashoolwe mushintu shoonse nshaakalinga kucita.

1 Baami 8:56

“Aalumbaishikwe Mwaami Lesa uyo wakalengesha luumuno pabantu bakwe kweelana ambwaakashomesha. Wacita kweelana akushomesha kwakwe koonse uko nkwaakashiya kwiinda muli Mose musebenshi wakwe.

2 Baami 10:10

Ici cabonesha kale ayi makani akaamba Mwaami Lesa pabamulunyungu lwakwe Aabu alaakucitika cancinencine. Mwaami Lesa wacita ico ncaakaamba kwiinda mumulaluki Elija.”

2 Baami 15:12

Aboobo cakashomesha Mwaami Lesa kuli Jewu cakacitika cancinencine. Wakashomesha ayi, “Bamulunyungu lwako kushikila akulishalane lyane, balaakunooba bamaami ba bene Isilaeli.”

2 Baami 22:16

“Mwaami Lesa waamba ayi, ‘Ntoopa Jelusalemu mulandu pantu pomwi abantu boonse bekalaamo bweenka mbocilembetwe mulibuku ilyo mwaami ndyaabelenga.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Luka 1:28

Munjelo ndyaakashika kuli Maliya wakamwaansha ayi, “Waboneka, webo noocite coolwe kuli Lesa. Lesa uli andiwe.”

Luka 1:80

Lyalo mwaana uyo Joni wakakula akushimpa mumushimu. Wakekala muluyanga kushikila bushiku ubo mbwaakalitondesha patuba kubantu ba muIsilaeli.

Luka 2:40

Lyalo mwaana wakakomena akuba ankusu alimwi wakaba musongo abuumbi. Aboobo coolwe cakwe Lesa cakalinga pali nguwe.

Luka 2:52

Jesu wakakula muciimo amubusongo alimwi wakaba mwaana ukondelesha Lesa abantu boonse.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

Dutolonomi 18:22

Na ico caamba mulaluki muliina lya Mwaami Lesa cabula kucitika nabi kuboneka, mwishibe ayi makani ayo taakwe kuswa kuMwaami Lesa. Nkokwaamba ayi mulaluki uyo waamba munkusu shakwe mwiine, aboobo tamweelete kumuloonda.

2 Timoti 4:22

Mwaami abe awebo. Luse lwakwe Lesa lube amwebo noonse.

Joshuwa 21:45

Ono taaku nabi comwi pasheesho Mwaami Lesa nshaakashomesha bene Isilaeli shakaala, sombi shoonse shakacitika kweelana ambwaakashomesha.

Boomboloshi 13:24

Mwanakashi uyo wakashala mwaana musankwa akumutumba ayi Samusoni. Mwaana uyo wakakomena alakwe Lesa wakamupa coolwe.

1 Samwelo 10:7

Lyalo shitondesho ishi shacitika, cita cili coonse Lesa nceshi akutanjilile ayi ucite.

1 Samwelo 12:2

aboobo ngweshi anoomutanjilila. Nebo amubone imfwi, ndacembela. Sombi bana bangu mucili abo. Ndakalinga mutanjilili wanu kuswa kubucikula bwangu kushikila sunu.

1 Samwelo 16:18

Mpeeke womwi pakati ka basebenshi wakakumbula ayi, “Ndibweneewo mwaana musankwa wakwe Jese mwine Betileemu ucishi kulisha kabotu kalumbu. Ngumusankwa utacite boowa, shilumamba mubotu, ucishi kubandika alimwi uboneka kabotu abuumbi. Mwaami Lesa uli anguwe.”

1 Samwelo 18:12

Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 18:14

Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.

1 Samwelo 18:5

Ono Defedi wakalinga kucita cintu cili coonse cakamutuma Saulo cakuswitilila. Aboobo Saulo wakamulengesha kuba mutanjilili wa mulikoto lya bashilumamba bakwe. Cikani ico bantu boonse pantu pomwi abamatanjilili bamwi boonse bakwe Saulo bakakondwa.

1 Samwelo 2:21

Mwaami Lesa ncakwiila wakapa coolwe Aana. Mpeeke wakaba abaana basankwa abamwi botatwe abanakashi bobilo. Mwanike Samwelo wakakomena mumulimo wa Mwaami Lesa.

1 Samwelo 2:26

Mwanike Samwelo wakalinga kuya bukula akuya ciba muntu ukondelesha Mwaami Lesa abantu boonse.

1 Samwelo 9:6

Musebenshi wakakumbula ayi, “Taanguna! Mundabala iyi muli muntu wakwe Lesa uyo ulemekwa abuumbi ceebo shoonse nshaamba shilacitika kweelana abwaamba. Atushikeeko mpashi inga watulwiita nkweenga twashicana mbongolo.”