1 Samwelo 27:9 - Baibo Busansulushi Bwa Libuku Ili

⁹ Kumusena uli woonse Defedi ngweenga waya mukulwana taakalinga kushiya musankwa nabi mwanakashi kutamucaya, sombi wakalinga kubwesa mbelele, ŋombe, mbongolo alimwi ngamela pantu pomwi ashakufwala. Lyalo wakalinga kuboolela kuli Akishi.

1 Samwelo 27:9 ပူးပေါင်းရင်းမြစ်များ

Matalikilo 16:7

Ono munjelo wa Mwaami Lesa wakakumanya Aga pakantupu muluyanga, munshila iya kuSheli

Matalikilo 25:18

Bamulunyungu lwakwe Ishimaeli bakalinga kwikala mucishi cakalinga pakati ka Afila aShuwa kwicwe lya Ijipiti na utooya kuAsilya. Bakapansaana kwikala abamulunyungu lwakwe Abulaamu bamwi mukwiinga bakalinga kupatene.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Kulonga 15:22

Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

1 Samwelo 15:7

Saulo wakalwana bene Amaleki, kubakusha kuAfila tibili akuSheli kwicwe lya Ijipiti.

1 Samwelo 15:8

Lyalo Agagi mwaami wa bene Amaleki wakamubwesabo kaali muumi, sombi bantu bakwe boonse wakabacaya.