1 Samwelo 26:20 - Baibo Busansulushi Bwa Libuku Ili

²⁰ Ono kutandeka ayi mfwite mumusena uli kulaale akubete Mwaami Lesa. Ino nceebonshi mwaami wa cishi ca Isilaeli utoosa ciyandoola ndime nenjina, anga ngumuntu utooya cifwima bakancele mutulundu.”

1 Samwelo 26:20 ပူးပေါင်းရင်းမြစ်များ

1 Samwelo 24:14

Anu mwaami wa bene Isilaeli utoosa cikonkela ni? Ngani ngwaatoosa citandaanya? Sa te ngukabwa ufwite? Nabi ninjina?

Mateyo 26:55

Lyalo Jesu wakabaambila bantu baanji balya ayi, “Ino mweshitanshi amipeeni alimwi ankooli pakwisa mukuncata anga ndimwiipi? Nebo ndakalinga anu inshiku shiinji, kaamwiisha muŊanda yakwe Lesa, sombi tamukwe kuncataawo, sobwe.

Mateyo 26:47

Jesu ndyaakalinga kucaamba, alakwe Judasi womwi wa bashikwiiya bakwe Jesu bali likumi abobilo wakashika. Wakesa abantu baanji baanji bakalinga kucite mipeeni ankooli. Bantu aba bakabatuma mbamatanjilili ba bapailishi alimwi abamaloba ba baJuda.

1 Samwelo 25:29

Nakubi kwaamba ayi kuli utoosa cimukonkela ayi amucaaye, buumi bwanu bulaakulamwa kabotu aMwaami Lesa bweenka muntu mbwaalama cintu camakwebo. Sombi buumi bwa balwani banu ulaakubuwaala kulaale mbweeke buwaalwa libwe kucipaya cakuwaalisha mabwe.

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.

1 Samwelo 24:11

Ta, amubone kasani aka! Ndakatimbula kulikonko lya cakufwala canu ca peculu sombi nshikwe kumucaya. Ono munyumfwishe akwishiba kwaamba ayi nshiciteewo mulandu wakucita cilubite nabi kumwaashukila. Taaku ncindakamulubishisha, sombi mutooya cimfwima ayi muncaaye.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Malilo 3:52

Balwani bangu bakampatabo pataapu amulandu. Ndushinisho bakalinga kumfwimabo anga nkayuni.

1 Samwelo 24:15

Ncakwiila Mwaami Lesa aatoomboloshe nguwe kubona ulubite pakati kesu. Aalangelange cikani cangu akutondesha ayi ndiluleme mukumfuna kuswa mumaansaanu.”