1 Samwelo 26:16 - Baibo Busansulushi Bwa Libuku Ili

¹⁶ Ici ncewacita tacikwe kubotaawo napaceyi. Ncakwiila bweenka mbocili lushinisho kwaamba ayi Mwaami Lesa ngumuumi, webo abashilumamba bako mulyeelete kufwa, mukwiinga tamutoolindilila mwaami wanu, uyo wakasalwa aMwaami Lesa kwiinda mukunanikwa mafuta. Ono bulya inga wandwiita ayi lisumo lya mwaami akankuli ka maanshi isho shalingabo pafwaafwi amutwi wakwe shili kuli?”

1 Samwelo 26:16 ပူးပေါင်းရင်းမြစ်များ

2 Samwelo 12:5

Mpomunyaawo Defedi wakakalala abuumbi ceebo ca mubile uyo akwaambila Natani ayi, “Bweenka mbocibete lushinisho ayi Mwaami Lesa ngumuumi, ncakwiila musankwa uyo ulyeelete kucaikwa!

2 Samwelo 19:28

Amubone nkambo, bamulunyungu lwa bakaapa boonse bakalinga kweelete kucaikwa kuli ndimwe nobaami bangu, sombi nebo nemusebenshi wanu mwakampa nkusu shakulita patebulu yomwi amwebo. Aboobo nshicitewo nkusu shakunoocisenga lucafwo alumwi kuli ndimwe nkambo nobaami bangu.”

1 Baami 2:26

Mwaami Solomoni wakaambila Abiyata mupailishi ayi, “Koya kumushi wine mishaanu kuAnatoti. Walinga kweelete kufwa, sombi teshi nkucaaye bulya mukwiinga Libokoshi lya Cipangano lya Mwaami Lesa Shinkusu shoonse lyakalinga mumaansaako ndiwakalinga abata baDefedi, alimwi wakapenga pantu pomwi ambabo mumapensho abo oonse.”

Kulumbaisha 102:20

Wakanyumfwa kutongela kwa bakaili, Wakaangulula baabo bakapekwa milandu yakucaikwa.”

Kulumbaisha 79:11

Amunyumfwe kutongela kwa bantu bali muntolongo. Amwaangulule bantu bapekwa mulandu wakufwa alyaansa lyanu lyalulyo.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

1 Samwelo 20:31

Sa toobwene kwaamba ayi kulilabo Defedi kaali muumi teshi ukabewo mwaami wa cishi cino? Ono koya ukamuleete, ulyeelete kufwa!”

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”

1 Samwelo 26:11

Nebo nshikwe, Mwaami Lesa atansuminishi kucaya mwaami ngwaakasala kwiinda mukunanikwa mafuta. Bwesabo lisumo akankuli kakwe ka maanshi pafwaafwi amutwi wakwe, mpeeke tunooya.”

1 Samwelo 26:15

Defedi wakaamba ayi, “Abina te ndiwebo ngobashoma muIsilaeli? Ono waalilwa buyani kulama ukulela, mwaami wako? Muntu umwi walingaako coonoonobo uko kwisa mukucaya ukulela uyo?

1 Samwelo 26:9

Defedi wakaambila Abishayi ayi, “Utamucaayi! Taakuuwo weenga wacisa mwaami wakasalwa aMwaami Lesa kwiinda mukunanikwa weenga wabula kuba amulandu.”