1 Samwelo 26:10 - Baibo Busansulushi Bwa Libuku Ili

¹⁰ Mpeeke wakaamba ayi, “Ncakwiila bweenka mbocibete lushinisho ayi Mwaami Lesa ngumuumi, Mwaami Lesa mwiine ulaakumutondesha bukali. Bumwi bushiku ciindi cakwe cakufwa lufu ŋanda cilaakushikila nabi ulaakuya mukufwita kunkondo.

1 Samwelo 26:10 ပူးပေါင်းရင်းမြစ်များ

Matalikilo 47:29

Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti.

Jobo 14:14

Na muntu wafwa, sa inga wayoya alimwi? Munshiku shoonse sha mulimo wangu uyumu ndanoolindilila kushikila nkaswe mumapensho.

Jobo 14:5

Inshiku sha buumi bwa muntu shilibambitwe kale. Ee, myeenshi ya kweendela buumi kwakwe ilibelengetwe. Mwakabika kale pakweela apo mpwaatakoonshi kwiindilisha.

Jobo 7:1

“Sa te buumi bwa muntu mbuyumu pacishi ca panshi? Sa te nshiku sha buumi bwakwe shili anga nsha musebenshi?

Kulumbaisha 37:10

Cakufwambaana bamucita shibi balaakushimingana, Mulaakweelesha kubalangoola, sombi teshi mukababoneewo.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Kulumbaisha 94:23

Ulaakubapa mulandu ceebo ca shibiibi shabo, ulaakubanyonyoola ceebo ca bubi bwabo. Ee! Mwaami Lesa, Lesa wesu ulaakubanyonyoola.

Shikushimikila 3:2

Kuli ciindi cakushalwa aciindi cakufwa. Kuli ciindi cakushanga aciindi cakutebula.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Dutolonomi 31:14

Kuswawaawo Mwaami Lesa wakaambila Mose ayi, “Ono uli pafwaafwi kufwa. Ita Joshuwa usaakwe kuTente ya Cipangano ayi mupe milasho.” Mpeeke Mose aJoshuwa bakaya kuTente iyo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Bene Ebulu 10:30

Mukwiinga tulimwishi uyo wakaamba ayi, “Amubaleeke ndime mboosha shishole, ndaakubapa milandu abalo.” Wakaamba alimwi ayi, “Mwaami ulaakoombolosha bantu bakwe.”

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

1 Samwelo 24:15

Ncakwiila Mwaami Lesa aatoomboloshe nguwe kubona ulubite pakati kesu. Aalangelange cikani cangu akutondesha ayi ndiluleme mukumfuna kuswa mumaansaanu.”

1 Samwelo 25:26

Ono ceebo cakwaamba ayi nobaami bangu Mwaami Lesa wamulengesha ayi mutabooshi cishole akutaba amulandu wakucaya muntu, ndalumbila ayi bweenka mbocibete lushinisho ayi Mwaami Lesa ngumuumi alimwi amwebo mbomuli boomi, boonse batoopinga kumucisa bakapekwe mulandu mbweenka mbuli Nabali ibaangu.

1 Samwelo 25:38

Kuswawaawo pakeendabo nshiku likumi Mwaami Lesa wakatondesha Nabali bukali, mpeeke wakafwa.

1 Samwelo 25:39

Lyalo Defedi ndyaakanyumfwa ayi Nabali wakafwa, wakaamba ayi, “Aalumbwe Mwaami Lesa uyo waboosha cishole kuli Nabali ceebo cakutananga kabotu. Wanciba nebo nemusebenshi wakwe ayi ntaciti cibiibi akubooshela Nabali cibiibi cakwe.” Mpeeke Defedi wakatuma basankwa bakwe ayi bamwiipushisheko kuli Abigelo shakweeba.

1 Samwelo 31:4

Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

1 Samwelo 31:6

Mboboobo Saulo mbwaakafwa abana bakwe basankwa botatwe pantu pomwi ashikumunyamwita shakulwanisha alimwi abantu bakwe boonse mubushiku ubo bweenka.