1 Samwelo 24:9 - Baibo Busansulushi Bwa Libuku Ili

⁹ Mpeeke wakaambila Saulo ayi, “Ceebonshi mutoonyumfwila bantu batoomulwiita ayi nebo ntoomufwima ayi mucaaye?

1 Samwelo 24:9 ပူးပေါင်းရင်းမြစ်များ

Kulumbaisha 101:5

Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.

Kulumbaisha 141:6

Bamaleli babo baakuwaalwa kuswa patulundu twa mabwe, balaakusumina ayi ndakalinga kwaamba shalushinisho.

Tushimpi 16:28

Muntu mubiibi ulaleta kwaambana. Kufuya kulapansaanya beshicibusa.

Tushimpi 17:4

Mucita shibi ulakutika shaamba milomo ibiibi. Mubeshi ulakutika shaamba mulaka ubeca.

Tushimpi 18:8

Maswi akufuya alibo anga ncakulya cibotu alimwi alenjila mukati lya mubili mwiine.

Tushimpi 25:23

Bweenka muuwo wakumatwa mbooleta mfula, mbweeke ubo kufuya mbokulengesha muntu kukalala.

Tushimpi 26:28

Muntu ubeca ulapata baabo mbwaabekesha. Mulomo waamba shabubeshi ulalengesha kunyonyoolwa.

Tushimpi 29:12

Na muleli wanyumfwila makani abubeshi, bacinenenene bakwe boonse balaba bamucita shibi.

Jelemiya 37:18

Mpomunyaawo ndakeepusha mwaami ayi, “Ino ngumulandunshi ngondabishila ndimwe, bacinenenene banu nabi bantu aba ngomwambikila muntolongo?

Bene Lefi 19:16

Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

1 Samwelo 20:1

Lyalo Defedi wakalobokaako kuNaiyoti muLama akuya mukwiipusha Jonasani ayi, “Ino ndacitanshi? Ino ndicite mulandunshi? Ino baiso ndababishishanshi ncebatooyanda kuncaila?”

1 Samwelo 20:41

Mwanike ndyaakaya, Defedi wakanyamuka kuswa kulubasu lwakumalenge a mulwi wa mabwe akufukamina Jonasani mankanda otatwe cakushisha ciwa panshi. Kuboolaawo bakafyontana akulila buumpute boonse bobilo. Nakubi boobo Defedi wakeendaawo kulila.

1 Samwelo 24:10

Sunu mwebo nobeene mwaboona ameenso anu kwaamba ayi Mwaami Lesa waalinga wamwaaba mumaansaangu mucimfwengo mulya. Bamwi balinga bandwiita ayi mucaaye, sombi ndamulekelela mukwiinga ndeebaluka kwaamba ayi mwakacita kusalwa aMwaami Lesa ayi mube baami.

1 Samwelo 24:8

Mpomunyaawo Defedi wakaswa mucimfwengo akoolobesha kuli Saulo ayi, “Nkambo nobaami bangu!” Saulo ndyaakalanga kwisule, Defedi wakamufukamina cakushisha ciwa panshi mukumulemeka.

1 Samwelo 26:18

Mpeeke wakatolelela akwaamba ayi, “Anu nceebonshi nkambo ncemutooya cimfwimina nemusebenshi wanu? Nciinshi ncindakacita alimwi ngumulandunshi ngooncite?

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.