1 Samwelo 22:17 - Baibo Busansulushi Bwa Libuku Ili

¹⁷ Lyalo mwaami uyo wakaambila beshikulindilila bakalinga kwiimikana pafwaafwi anguwe ayi, “Amucaye bapailishi aba ba Mwaami Lesa boonse mukwiinga abalo bali kulubasu lwakwe Defedi. Bakalinga kwishi ayi utooloboka, sombi tabakwe kundwiita.” Nakubi boobo balo tebakalinga kusuminite kucaya bapailishi ba Mwaami Lesa.

1 Samwelo 22:17 ပူးပေါင်းရင်းမြစ်များ

2 Samwelo 15:1

Mukuya kwaciindi Abusalomu wakalibambila cikoci cakweendelaamo amaaki pantu pomwi abashilumamba bali makumi osanwe bakweendaabo.

1 Baami 1:5

Ono Adonija mwanaakwe Defedi aAgiti wakalisumpula akwaamba ayi, “Ntooba mwaami.” Mpeeke wakabamba shikoci sha nkondo amaaki alimwi abashilumamba bali makumi osanwe ayi banooya bucica kunembo lyakwe.

1 Baami 14:27

Mukuboosheshaawo, mwaami Leoboamu wakapanga mayawo amwi a bulonse akwaabika mumaansa a bamatanjilili ba beshikulindilila kuminjililo ya kuŋanda ya bwaami.

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

2 Baami 10:25

Jewu ndyaakamanabo kubenga milambu, wakaambila beshikulindilila abacinenenene bakwe ayi, “Kamuya mucaye boonse, mutaleeki muntu nabi womwi kucica!” Bakenjila amipeeni akumana kubacaya. Mibili yabo bakeetintila pansengwe. Lyalo bakeenjila mucipinda cisalalite muŋanda yakwe Baali.

Kulonga 1:17

Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.

1 Samwelo 2:31

Ono kutika, cilaakushika ciindi ndyeshi nkacaaye bacikula bwangu boonse ba muŋanda yako abeshikamukowa wako, kwaamba ayi kukabule musankwa ukula cakucembela mubamuŋanda yako.

1 Samwelo 20:33

Sombi Saulo wakawaala lisumo lyakwe kuli nguwe ayi amucaaye. Lyalo Jonasani wakeshiba ayi ncakwiila cili mumuyeeyo baishi, nkucaya Defedi.

1 Samwelo 22:13

Saulo wakamwiipusha ayi, “Ino webo aDefedi mutoomfwiminashi? Ceebonshi wakamupa cimaande, mupeeni wakalinga wakwe Golyati alimwi akumwiipushisha kuMwaami Lesa? Ono toobwene wangalookila, bulya utooyandoolabo ciindi cakuncailaawo.”

1 Samwelo 22:16

Nakubi boobo mwaami Saulo wakaamba ayi, “Aimeleki, ncakwiila utoofwa pantu pomwi abamuŋanda ya baiso boonse.”

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”

1 Samwelo 8:11

Samwelo wakasansulula ayi, “Bamaami banu mbulya mbweshi bakanoomucita. Bana banu basankwa balaakunoobabika mulikoto lya bashilumamba. Bamwi balaakunooba bashilumamba balwanina mushikoci sha maaki, bamwi beshikulwanina pamaaki, bamwi balaakunoolibo beshikutanjilila beshikulwanina mushikoci abo.